,
საზოგადოების ყველა კითხვას, მაგალითად, რატომ მიიღო საქმიანობის ნებართვა ერთმა კომპანიამ და ვერ მიიღო მეორემ, რატომ ჩაიკეტა ერთი ქალაქი და არ ჩაიკეტა მეორე, რატომ მივიღეთ ზოგ შემთხვევაში პირველი შეხედვით მკაცრი შეზღუდვები, უნდა გაეცეს ღია და გამჭვირვალე პასუხი, - ამის შესახებ მთავრობის სხდომის დაწყებამდე პრემიერ-მინისტრმა, გიორგი გახარიამ განაცხადა.
„ფორს-მაჟორში აღარ ვართ, ვმართავთ ეპიდემიოლოგიურ მდგომარეობას და ვიწყებთ ეკონომიკური აღდგენის გეგმის განხორციელებას. ამიტომ მინდა, მთავრობის ყველა წევრს მოვუწოდო, საზოგადოების ყველა კითხვას, მაგალითად, რატომ მიიღო საქმიანობის ნებართვა ერთმა კომპანიამ და ვერ მიიღო მეორემ, რატომ ჩაიკეტა ერთი ქალაქი და არ ჩაიკეტა მეორე, რატომ მივიღეთ ზოგ შემთხვევაში პირველი შეხედვით მკაცრი შეზღუდვები. ყველა ამ შეკითხვას, ვისგანაც ის არ უნდა მოდიოდეს, უნდა გაეცეს ღია და გამჭვირვალე პასუხი. ჩვენი წარმატების საფუძველი არის ეპიდემიოლოგიური მდგომარეობის დაძლევა, ეკონომიკურის ეფექტური და სწრაფი აღდგენა, მაგრამ ამავე დროს უნდა დავიცვათ საჯაროობის და ტრანსპარენტობის ის მაღალი პრინციპი, რომლითაც ყოველთვის ვხელმძღვანელობთ“, - განაცხადა პრემიერმა.
