,
"შობადობის ნაწილში გარდაცვალების მაჩვენებელი აღემატება შობადობის მაჩვენებელს, რაც არის მძიმე მოვლენა და ეს შეცვლას საჭიროებს, ასევე ქორწინება-განქორწინების თანაფარდობის კუთხით მუდმივად უარესდება მდგომარეობა. შობადობას რაც შეეხება, საინტერესო დეტალია, რომ სოციალური მიზეზი არ აქვს შობადობას.
90-იან წლებში, როცა ყველაზე მეტად უჭირდა ჩვენს ქვეყანას, მაშინ იყო ბევრად უფრო მაღალი შობადობის კოეფიციენტი საქართველოში, ვიდრე არის დღეს. სოციალური მიზეზი ნაკლებად აქვს ამ ყველაფერს. ასევე, საინტერესო დეტალია, რომ მესამე და მეოთხე ბავშვის შობადობის ნაწილში 2014 წლიდან არის მომატებული მაჩვენებლები და არის სტაბილურად მაღალ დონეზე შენარჩუნებული - მკვეთრად იკლებს, დრამატულად იკლებს პირველი და მეორე ბავშვის, შვილის, შობადობის მაჩვენებელი.
აქედან კიდევ ერთხელ ჩანს, რომ სოციალური მიზეზი არ აქვს... გვაქვს სერიოზული მსოფლმხედველობრივი გამოწვევა, რასაც პირველ რიგში უნდა დავუპირისპირდეთ - დადებითი გაგებით. საჭიროა შეიცვალოს ადამიანების მსოფმხედველობა. ინტერესი არის შემცირებული ქორწინების კუთხით, ქორწინება-განქორწინების სტატისტიკა ამას აჩვენებს. ეს პირდაპირ აისახება პირველი და მეორე შვილის სტატისტიკაზე" - თქვა ირაკლი კობახიძემ პარლამენტში სიტყვით გამოსვლისას.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
