USD 2.7262
EUR 2.9514
RUB 2.8281
Tbilisi
პერვეტინის წყალობით, გერმანელი ჯარისკაცი ზეკაცივით გადადიოდა შეტევაზე - გერმანიამ ომის პირველი ნაწილი მოიგო ამფეტამინით და დამარცხდა ამფეტამინით
Date:  144
საინტერესო წიგნი აქვს დაწერილი გერმანელ ავტორსა და მკვლევარს ნორმან ოლერს და თემა ნარკოტიკი და ნაცისტური გერმანიაა.
 
ამ წიგნის მიხედვით, ირკვევა, რომ გერმანიის ეკონომიკური აღმასვლა ემთხვევა პერიოდს, როცა ქვეყანა (1925-1935) მორფის უმსხვილესი მწარმოებელი იყო და მისი წილი მსოფლიო ფარმაკოლოგიაში 40 %-ს შეადგენდა. მხოლოდ ბერლინში, წლიურად 200 ტონა კოკაინი და ოპიუმი იწარმოებოდა.
 
ჰიტლერის ნარკოდამოკიდებულება უცნობი არაა, მისი მხნე ხასიათის წამალი თეოდორ მორელის გამოწერილ წამლებში იმალებოდა, რაც მოგვიანებით ნარკოტიკული საშუალება აღმოჩნდა, არადა ადოლფი სიგარეტსაც არ ეწეოდა, ბოლო კოლოფი, გაბრაზებულმა პირველი მსოფლიო ომის დროს მდინარეში გადააგდო, მეტიც, ის არ სვამდა ყავასაც კი, რომ დამოკიდებული არ ყოფილიყო კოფეინზე, არ იღებდა წამლებს ავადმყოფობის დროს და მაინც - მორელის დანიშნულმა ტაბლეტებმა ის ნარკოდამოკიდებული გახადა - ცნობილია, რომ ჰიტლერი შეკრულობით იტანჯებოდა და მორელის დანიშნულმა "უსაფრთხო საშუალებამ" (რომელიც ჰეროინს შეიცავდა) ადოლფი მოარჩინა. მერეც, დაღლილობაზე, უხასიათობაზე ყოველთვის მორელის დანიშნულ წამლებს იღებდა.
 
იმ დროს, როცა ნაცისტური გერმანია ცხოვრების ჯანსაღ წესს მისდევდა და ნარკომანიას ებრძოდა (ვითომ), 1937 წელს კომპანია Temmler-მა პერვეტინი დააპატენტა. ამფეტამინის შემცველობის ამ პრეპარატის პლაკატებს ნახავდით ყველგან - მეტროში, სკოლებთან, რადიოს გამოცხადებისას, კინოში.
 
ტემლერმა საკუთარი პროდუქტის პრ სტრატეგია დაუკვეთა იმავე კომპანიას, ვინც მომსახურებას უწევდა coca-cola-სა და სხვა წამყვან მსოფლიო ბრენდებს.
 
მალე, პერვეტინის თითო აბი ყველა ექიმის კაბინეტში აღმოჩნდა "დასატესტად".
 
1938 წლიდან, აბებს აქტიურად სვამდნენ მუშები, სპორტსმენები და დამღლელი და სტრესულ გარემოში მცხოვრები ადამიანები. ამ პერიოდში, გერმანული ეკონომიკა ზენიტში აღმოჩნდა.
 
1939 წლიდან კი პერვეტინი ჯარის მომარაგებაში ჩაეშვა. სწორედ ამ პრეპარატის წყალობით, გერმანელი ჯარისკაცი ზეკაცივით გადადიოდა შეტევაზე. სამხედროებს აძლევდნენ დილა-საღამოს დოზას, რათა დაღლასთან ბრძოლა ადვილი გამხდარიყო.
 
პირველი შეტევები, როცა გუდერიანმა (სხვათაშორის, ტანკებს წინ მიუძღვოდა მოტოციკლით, ისეთი აღგზნებული იყო) საფრანგეთი ლამის 10 დღეში აიღო, ის პერიოდია, როცა ამფეტამინს ორგანიზმი ეჩვევა, ჯერ დამოკიდებულება არაა, ეიფორია მეტია და ჯარისკაცები დაფრინავდნენ. ამის გამო უფრო ჩაისვარეს ფრანგებმა და არა იმიტომ, რომ ბრძოლა არ იციან, ან ჯარი არ ჰყავდათ. ვერ ხვდებოდნენ რა არაადამიანური ენერგია ჰქონდათ გერმანელებს.
 
პერვეტინის ზემოქმედების შედეგად, ცნობილია შემთხვევები (საფრანგეთის იერიშის დროს), როცა სამხედრო ნაწილები 3 დღე-ღამის განმავლობაში პრაქტიკულად შეუჩერებლივ მიდიოდნენ. აღმოსავლეთის ფრონტზე კი მწირი საკვების პირობებში, 800 კალორია საჭმლის მიღებით უფრო მხნედ იბრძოდნენ, ვიდრე რუსების ჯარები.
 
ამფეტამინის ჭარბი დოზის "დამსახურება" უფრო მგონია ის, რომ გერმანელი სამხედროები არცთუისე ხშირად აუპატიურებდნენ ქალებს/კაცებს, რადგან პერვეტინის ხშირი მიღება აქვეითებს ლიბიდოს, მადას.
 
1944 წლიდან, პირველი სამხედრო გაწვევის ჯარისკაცები უკვე ჩამოყალიბებული ნარკომანები იყვნენ, მათი დღიური დოზა 7-8 აბიც კი იყო.
 
გერმანელი ექიმების ჩანაწერებიდან ირკვევა, რომ წამლის დაგვიანებული მიწოდების შემთხვევისას, ოფიცრებსა და ჯარისკაცებს შორის ძალიან დიდი მღელვარება სუფევდა, ბრძოლისას კი მოკლულ სამხედროებს თანამებრძოლები ჯიბეებს უჩხრეკდნენ.
 
სწორედ ნარკოდამოკიდებულებამ და იმანაც, რომ ფიურერთან ერთად, ამფეტამინით გაბრუებულმა ერმა ჩათვალა, რომ ნახევარადამიანი რუსები, ბრიტანელები, ამერიკელები და სხვა ხალხები მათ წინააღმდეგობას ვერ გაუწევდნენ, ფატალური შეცდომები დაუშვეს სამხედრო თვალსაზრისით.
 
გერმანიამ ომის პირველი ნაწილი მოიგო ამფეტამინით და დამარცხდა ამფეტამინით. საინტერესოა, რომ ნარკოტიკდამოკიდებულება სწორედ ასე მოქმედებს ადამიანზე. იწყება შინაგანი აღზევებით და მთავრდება შინაგანი დაცემით.
 
region
რუსთავის ჭალის ტყის აღდგენა-გაშენების მასშტაბური პროექტის განხორციელება იწყება

ქალაქ რუსთავის განვითარებისთვის მნიშვნელოვანი პროექტის, რუსთავის ჭალის ეკოსისტემის აღდგენა დავიწყეთ. პროექტი გარემოსთვის მიყენებული ზიანის ანაზღაურების შედეგად აკუმულირებული თანხებიდან დაფინანსდება, - ამის შესახებ გარემოს დაცვისა და სოფლის მეურნეობის მინისტრმა ოთარ შამუგიამ რუსთავის ჭალის ტყის აღდგენის პროექტის პრეზენტაციაზე განაცხადა.

როგორც მინისტრმა აღნიშნა, ეს არის პირველი პრეცედენტი მას შემდეგ, რაც ამოქმედდა გარემოსდაცვითი პასუხისმგებლობის შესახებ ახალი კანონი, რომელმაც მოგვცა შესაძლებლობა და დანერგა ეს პრინციპი.

მისივე თქმით, ჭალის ტერიტორიის აღდგენა, ერთი მხრივ, დადებითად იმოქმედებს რუსთავის ჰაერის ხარისხზე, რაც ჩვენთვის პრიორიტეტულია და, ამავდროულად, რუსთაველებს და რუსთავის სტუმრებს ექნებათ ძალიან ლამაზი, მოწესრიგებული და მასშტაბური რეკრეაციული სივრცე.

სამინისტროს მიერ გავრცელებული ინფორმაციით, რუსთავის ჭალის ტერიტორიაზე, 160 ჰა ფართობზე მოეწყობა ტურისტულ-რეკრეაციული ინფრასტრუქტურა - საფეხმავლო და ველობილიკები, მოსასვენებელი სივრცეები, საგუშაგო კოტეჯები, საპრეზენტაციო სივრცე, დამონტაჟდება ფრინველებსა და ცხოველებზე დაკვირვების პროცესისთვის საჭირო ფოტოხაფანგები, მტკვარზე მოეწყობა მყარი ნარჩენებისგან წყლის გამწმენდი ბარიერი; 24 ჰა ფართობზე კი, 60 ათასი ხის ნერგი დაირგვება. პარკი ვიზიტორებს ფიზიკური აქტივობებისთვის უსაფრთხო და ხელსაყრელ გარემოს შესთავაზებს, სადაც საგანმანათლებლო დაწესებულებებისთვის ხელმისაწვდომი იქნება გარემოს დაცვის საკითხებზე შემეცნებითი შეხვედრების მოწყობა.

პროექტის პრეზენტაციას რუსთავის მერი ნინო ლაცაბიძე, საქართველოს პარლამენტის წევრები მაია ბითაძე და ირაკლი შატაკიშვილი ესწრებოდნენ.

რუსთავის მერმა სამოქალაქო აქტივისტებს, საქართველოს პარლამენტს და სამთავრობო გუნდს მადლობა გადაუხადა პროექტის მხარდაჭერისთვის და რუსთავის ეკოლოგიური მდგომარეობის გაუმჯობესებაზე ზრუნვისთვის.

„ეს სივრცე ჩვენი ქალაქის ფილტვებია, რომელიც, სამწუხაროდ, 90-იან წლებში იყო განადგურებული. დღეს ჩვენს თაობას, ჩვენს გუნდს გვაქვს შესაძლებლობა, ყველამ ერთად მივიღოთ მონაწილეობა, აღვადგინოთ უნიკალური ჭალის ტყე, რომელიც გააჯანსაღებს და გააუმჯობესებს ქალაქის ეკოლოგიურ მდგომარეობას. ეს არის უპრეცედენტო, ძალიან მასშტაბური პროექტი, რომელსაც რუსთაველები დიდი ხანია ველოდებით“, - აღნიშნა ნინო ლაცაბიძემ.

საქართველოს პარლამენტის წევრმა მაია ბითაძემ პროექტის მასშტაბურობაზე გაამახვილა ყურადღება და აღნიშნა, რომ რუსთავის ჭალის ტყის აღდგენის პროექტის განხორციელება ქალაქის რეკრეაციულ განვითარებას შეუწყობს ხელს, რომელიც მიმზიდველი იქნება როგორც ადგილობრივი მოსახლეობისთვის, ასევე ტურისტებისთვის.

„გარემოს დაცვის და სოფლის მეურნეობის სამინისტროს და რუსთავის მერიის ერთობლივი ძალისხმევით აღდგება და განახლდება 160 ჰა რუსთავის ტყის ჭალების ტერიტორია. ეს არის უპრეცედენტო პროექტი, რომელიც გარემოს დაცვით ფონდში აკუმულირებული თანხებით განხორციელდება“, - განაცხადა მაია ბითაძემ.

„პროექტის განსახორციელებლად საჭირო თანხები გარემოსდაცვითი ფონდის ბიუჯეტიდან გამოიყო, რომელიც გარემოსთვის მიყენებული ზიანის ფულადი ანაზღაურების შედეგად გადახდილი თანხებით შეიქმნა. გარემოსდაცვითი ფონდები თითქმის ყველა ევროპულ ქვეყანაში არსებობს, თუმცა აღმოსავლეთ ევროპის ქვეყნებში საქართველო პირველია, რომელმაც მსგავსი ფონდი შექმნა. აღნიშნული ფონდის მიზანი გარემოს მდგომარეობის გასაუმჯობესებლად სხვადასხვა მუნიციპალიტეტში საჭირო ღონისძიებების დაგეგმვა და განხორციელებაა. აღსანიშნავია, რომ რუსთავის ჭალის ტყის აღდგენის პროექტი გარემოსდაცვითი ფონდიდან დაფინანსებული პირველი პროექტია.

ჭალის ტყე ქალაქ რუსთავის მუნიციპალიტეტის საზღვრებში, მტკვრის ორივე სანაპიროზე, ძველსა და ახალ ხიდს შორის არსებულ სივრცეში მდებარეობს. ჭალის ტყის განვითარების სტრატეგიის დოკუმენტის თანახმად, ამჟამად ეს მონაკვეთი გამოუყენებელ სივრცეს წარმოადგენს,სადაც ეკოსისტემა დეგრადირებულია და დაბინძურებულია სხვადასხვა ტიპის ნარჩენით“, - ნათქვამია სამინისტროს მიერ გავრცელებულ ინფორმაციაში.

See all
Survey
ვინ გაიმარჯვებს რუსეთ - უკრაინის ომში?
Vote
By the way