,
საქართველოს ტურიზმის ეროვნული ადმინისტრაციის ახალი მარკეტინგული კამპანიის ფარგლებში, საფრანგეთის ქალაქებში: პარიზსა და ლიონში საქართველოს შესახებ მოძრავი ბანერები განთავსდა. პარიზში, შანზელიზეს, შარლ დე გოლისა და სხვა ტურისტულად დატვირთულ ქუჩებსა და მოედნებზე საქართველოს ტურისტული მიმართულების ამსახველი 30-ზე მეტი ბანერია წარმოდგენილი, სადაც გამვლელებს საშუალება აქვთ გაეცნონ საქართველოს ბუნებას, ქალაქებს, კულტურასა და საინტერესო ადგილებს. კამპანიის ფარგლებში, ბანერები საფრანგეთის ქალაქებში სხვადასხვა ლოკაციებზე განთავსდება.
კამპანიის მნიშვნელობაზე საუბრობს საქართველოს ტურიზმის ეროვნული ადმინისტრაციის ხელმძღვანელი მაია ომიაძე.
„საფრანგეთში მიმდინარეობს მარკეტინგული კამპანია, პარიზისა და ლიონის ქუჩებში საქართველოს ხედებია გამოფენილი. ჩვენ გვაქვს „როუდ შოუები“, B2B შეხვედრები, პრეზენტაციები, სხვადასხვა ტიპის აქტივობები, სადაც ტურისტებს მოვუწოდებთ, რომ წელს საქართველო აირჩიონ სამოგზაურო მიმართულებად“, - განაცხადა მაია ომიაძემ.
ინფორმაციას საქართველოს ტურიზმის ეროვნული ადმინისტრაცია ავრცელებს.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
