USD
EUR
RUB
თბილისი
პაატა ბერიძე- გერმანიაში მცხოვრები ქართველი მესაყვირე, მუსიკოსი
თარიღი : 11.30.2021 12:59  268
ადამიანი როდესაც ერთ გეოგრაფიულ მდგომარეობაში იბადები, ყველაფერს ერთი რაკურსით უყურებ. ამიტომ სხვა გარემოშიც უნდა მოსინჯო ძალები, რომ დარწმუნდე ვინ ხარ, რასთან გაქვს საქმე და რამდენად რეალიზებადია შენი შესაძლებლობები.
 
ვფიქრობდი, რომ მჭირდებოდა ჰაერის გამოცვლა და გერმანიაში, ქალაქ აუსბურგში სწავლის გაგრძელების მიზნით 2015 წელს ჩამოვედი. საშემსრულებლო ტექნიკა მინდოდა გამეღრმავებინა. გერმანიაში ფასეულობების გადაფასების საშუალება მომეცა. მივხვდი, რომ რასაც მანამდე ვაკეთებდი, არასწორი იყო, ხოლო რაც უმნიშვნელოდ მიმაჩნდა, ის ბაზისი და მნიშვნელოვანი ყოფილა. ჩემს თავთან მარტო აღმოვჩნდი, საკუთარ თავთან მუშაობის კულტურა მასწავლა გერმანიამ, დიდი გამოცდილება შევიძინე. მივხვდი, რომ შედეგის მისაღწევად ინსტრუმენტალისტს სჭირდება ყოველდღიური მუშაობა, საკუთარი ძალების და ემოციების კონტროლი. იმისთვის, რომ ერთი ლამაზი კონცერტი ჩაატაროს მუსიკოსმა, საჭიროა უსაზღვრო ენერგია. თუ არ გიყვარს მუსიკა, ყოველ დღე სათანადოდ ვერ დაუთმობ რუტინას დროს. ეს დრო უნდა აღიქმებოდეს როგორც მუშაობა და არ უნდა იყოს უქმად დახარჯული დრო. უნდა იცოდე, რომელი მუსიკოსი გიყვარს და რატომ. უნდა ფლობდე ინფორმაციას, რომ თქვა რატომ მოგწონს ეს მუსიკოსი ან ეს კომპოზიტორი. მუსიკოსმა უნდა უსმინოს მუსიკას და უსმინოს სწორად. სწორად მუსიკის მოსმენა ზრდის მას და ეხმარება როგორც საკუარი თავის განვითარებაში, ასევე მის ირგვლივ გარემოს კარგად გაცნობაში. მინიმუმ ერთი ალბომი მაინც უნდა გქონდეს მოსმენილი, რომ ფლობდე ინფორმაციას. მთელ ამ სამყაროს უნდა ხედავდე და გესმოდეს, ეს არის მუსიკის სიყვარული.
 
გერმანიაში რასაც ვნახავ, ყველაფერს ქართულს ვადარებ. მაგალითად საყვირის ინსტრუმენტი ან სანოტო სისტემა, რომელიც ყოველთვის რთულად მოიძიებოდა საქართველოში. აქ რომ რაღაცას ვიპოვი, ძალიან მიხარია, შეფასების სხვა კრიტერიუმები მაქვს. ვიცი ცუდი ინსტრუმენტის შედარება სხვა ინსტრუმენტთან.. ერმანულ განათლების სისტემაში დიდი განსხვავებაა ბაკალავრიატსა და მაგისტრატურას შორის. როდესაც ხარისხს იღებ, სხვა დამოკიდებულება ჩნდება შენს მიმართ. თუმცა ერთი მაგისტრატურის ან დოქტურანტურის დამთავრება საკმარისი არ არის, მუდამ ძიებაში ხარ, გინდა განათლება სხვადასხვა უნივერსიტეტსა და ქვეყანაში მიიღო.
 
პანდემიის დროს, ჩემი დიდი ხნის მიზანი განვახორციელე, ჩავწერე ხმოვანი წიგნი, რომელიც უსინათლო ადამიანებს ეძღვნება, მათ, ვისაც მუსიკა უყვართ. ასევე დავასრულე პროექტი, რომელზეც 4-5 წელი ვმუშაობდი. რენესანსიდან ახალ მუსიკამდე, ყველა კომპოზიტორის დაბადებების და გარდაცვალების პერიოდები ერთ ინფოგრაფაში ჩავსვი. სხვადასხვა ეპოქა იქნება, დამწყები მუსიკოსები შეძლებენ მარტივად დააკავშირონ და აღიქვან სხვადასხვა დროსა და სივრცეში მოღვაწე კომპოზიტორები. როდესაც გაიგებ, რომ მელიტონ ბალანჩივაძე და დებიუსი ერთ წელიწადს დაიბადნენ , შენს ცნობიერებაში რაღაცეები იცვლება, ხვდები, რამდენად განსხვავებული კულტურაა სხვადასხვა ეპოქაში და გეოგრაფიულ მდგომარეობაში, რამდენად გასხვავებული სტილის მუსიკას წერდნენ ეს ადამიანები, ასეთი და სხვა უამრავი კომპოზიტორის გადაკვეთის წერტილი ბევრ ინფორმაციას გვაძლევს.
 
მუსიკოსს შეიძლება უყვარდეს სხვადასხვა ჟანრი, მაგრამ აუცილებლად უნდა ფოკუსირდეს რომელიმეზე. ყველაფერი ერთიანად არ გამოდის. სწავლის პროცესში ყველაფერი უნდა დააგემოვნო, გაიგო, შეეხო, განიცადო და ბოლოს მიიღო გადაწყვეტილება. საკუთარი თავის პოვნა და ძიება მნიშვნელოვანი პროცესია. ამ პროცესს დიდი დრო და ენერგია სჭირდება. როდესაც გადაწყვეტილების მიღებაში ხარ თავდაჯერებული და არ გჭირდება სხვების დახმარება, შენ ხარ პასუხისმგებელი შენი გადაწყვეტილების სისწორეზეც, ეს არის წარმატება მუსიკოსისთვის.
სხვა
3 თვეში საქართველოში $25.7 ათასის ორგანოების იმპორტი განხორციელდა

მიმდინარე წლის 3 თვეში საქართველომ 25.7 ათასი დოლარის ღირებულების ორგანოთერაპიისთვის განკუთვნილი ჯირკვლები და სხვა ორგანოების იმპორტი განახორციელა. 2022 წლის დასაწყისში ქვეყანაში შემოტანილი ორგანოების მოცულობა გასული 4 წლის ანალოგიური პერიოდების იმპორტს აღემატება.

ოფიციალური სტატისტიკით ორგანოთერაპიისთვის შემოტანილი ამ დასახელების საქონლის მოცულობა იანვარ-მარტში 0.13 ტონა იყო.

რაც შეეხება ორგანოების იმპორტის წლიურ მონაცემებსა და იმ ქვეყნებს, სადაც საქართველო საქონელს ყიდულობს, საქსტატის მიხედვით, ბოლო ათი წლის განმავლობაში იმპორტის ყველაზე მაღალი მაჩვენებელი 2012 წელს გვქონდა (183 ათასი დოლარი, 0.74 ტონა). აღსანიშნია, რომ პანდემიის დაწყების პირველ წელს საქართველოდან 0.23 ტონა ორგანოების შესაძენად 155 ათასი დოლარი გავიდა. გასულ წელს კი 0.44 ტონა იმპორტირებული საქონლის ღირებულებამ 89.9 ათასი დოლარი შეადგინა.

ოფიციალური სტატისტიკიდან ჩანს, რომ ორგანოთერაპიისთვის განკუთვნილი ჯირკვლებისა და სხვა ორგანოების ყველაზე დიდი მომწოდებელი საქართველოსთვის აშშ-ია - 77.9 ათასი დოლარი, მას მოსდევს გაერთიანებული სამეფო - 3.8 ათასი დოლარი, ჰონ-კონგი - 3.3 ათასი დოლარი, გერმანია - 2.1 ათასი დოლარი, ავსტრალია - 0.9 ათასი დოლარით. საიმპორტო ქვეყნებს შორისაა: კანადა, იტალია, ახალი ზელანდია, ისრაელი, ბელგია და შვეიცარია.

წყარო:https://bm.ge/

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.