,
ყოველდღიურ ცხოვრებაში სასურსათო მაღაზიებში სიარული და სურსათ-სანოვაგის ოჯახში მოტანა ბევრი ადამიანისათვის საკმაოდ სტრესულ პროცედურად იქცა, რადგან გვიწევს მოტანილი ნობათის რეცხვა, დეზინფექცია და ხშირად კომიკურ სიტუაციებამდეც მივდივართ დაინფიცირების შიშით. ასეთ დროს უაღრესად მნიშვნელოვანია, როგორ იცავენ დიდი თუ მცირე მარკეტები, სავაჭრო ქსელები, საკვები პროდუქტების მწარმოებლები ჯანდაცვის სამინისტროს რეკომენდაციებს და რამდენად დაცულია მომხმარებელი პოტენციური საფრთხისგან.
გვესაუბრება კომპანია "ეკოსთიმსერვისის" წარმომადგენელი, ქ-ნი ნანა კიკნაძე- სურსათის უვნებლობის სპეციალისტი, HACCP-ის სისტემის კონსულტანტი, რომელიც მოგცემს რეკომენდაციებს დეზინფექციის პროცედურის სწორად წარმართვის შესახებ.
- ქალბატონო ნანა, როგორც ცნობილია თქვენი კომპანია, “ეკოსთიმსერვისი” სადეზინფექციო სამუშაოებს აწარმოებს ორთქლის თანამედროვე ტექნოლოგიებით, რას გვეტყვით ორთქლით დამუშავების უპირატესობის შესახებ ?
მოგახსენებთ, რომ კომპანია „ეკოსთიმსერვისი“ 2017 წლიდან ფუნქციონირებს ქართულ ბაზარზე სანიტარულ-ჰიგიენური მომსახურებების სხვადასხვა მიმართულებით, ესაა დეზინფექცია, დეზინსექცია,დერატიზაცია; ასევე შრომის უსაფრთხოება და HACCP ის სისტემის დანერგვა.ზემოთ აღნიშნული მომსახურებები აბსოლუტურ თანხვედრაშია ეროვნულ საკანონმდებო მოთხოვნებთან და ასევე, სრულად შეესაბამება ევროკავშირის მიერ დადგენილ რეგულაციებს.
რაც შეეხება, უშუალოდ ორთქლით სადეზინფექციო სამუშაების ჩატარების უპირატესობას, „ეკოსთიმსერვის“-ის მაღალტექნოლოგიური ორთქლის დანადგარი მაღალი წნევით გამოყოფს სადეზინფექციო ხსნარს ორთქლის სახით, რაც უზრუნველყოფს 100%-იან შეღწევადობას ძნელად მისადგომ ადგილებშიც კი, ანადგურებს მიკროორგანიზმებს, ბაქტერიებს და ვირუსებს.
აღნიშნული სამუშაოები ტარდება მშრალი ორთქლით, რაც უზრუნველყოფს ზედაპირებისა და საგნების მშრალ მდგომარეობაში შენარჩუნებას და არ საჭიროებს დამატებით გადარეცხვას. აღნიშნული სამუშაო ასევე უსაფრთხოა ელექტრო მოწყობილობებისთვის და არ აზიანებს მათ.
ასევე, მინდა ხაზგასმით აღვნიშნო, დღვანდელი კრიტიკული მდგომარეობიდან გამომდინარე, აღნიშნული მეთოდით დეზინფექიის ჩატარება მეტად მნიშვნელოვანი და საჭიროა ყველა ტიპის სასურსათო (და არა მხოლოდ) მაღაზიისათვის, რასაც ითვალისწინებს საქართველოს მთავრობის 181- ე დადგენილება.
განსხვავებით ძველი მეთოდებისგან, ორთქლით დეზინფექცია საშუალებას იძლევა უშუალოდ, ღიად დამუშავდეს მაღაზიის თაროებზე განთავსებული შეფუთული პროდუქცია, ასევე ხილი და ბოსტნეული.
-შეგიძლიათ დაგვისახელოთ რომელი სავაჭრო ქსელები სარგებლობენ თქვენი მომსახურებით?
მომართვიანობა ბიზნეს სუბიექტებისგან ბოლო პერიოდში გასაგები მიზეზების გამო საკმაოდ გაზრდილია. მაგალითისათვის შემიძლია დაგისახელოთ მაღაზიათა ქსელი "ზღაპარი", "ლიტვური საცხობი", "დიპლომატ ჯორჯია", "სანტე ჯი ემ თი პროდუქტები", "კოკა-კოკა ბოთლერს ჯორჯია", "ჰუალინგ ჯგუფი"; ასევე რესტორნების ქსელი -"ბაბილო", "თაღლაურა", "წისქვილი" და სხვ.
- გვინდა გთხოვოთ მოგვცეთ რეკომენდაციები, რამდენად სწორია მაღაზიიდან მოტანილი პროდუქტის რეცხვა ჭურჭლის ჟელეს გამოყენებით, ასევე გავრცელებული მეთოდია ძმრიანი წყლის გადავლება ხილ-ბოსტნეულზე, რას იტყვით ამასთან დაკავშირებით?
რა თქმა უნდა, სიფრთხილეს თავი არ სტკივა და სწორია ჩვენი მოქალაქეების სიფრთხილე. ყველა თქვენს მიერ ჩამოთვლილი ზომა მისაღებია. თუმცა, აქვე უნდა აღვნიშნოთ, რომ ძალიან ძნელია ყველა პროდუქტის დეზინფიცირება სახლის პირობებში, ამიტომ კრიტიკულად მნიშვნელოვანია ბიზნეს სექტორი მიუდგეს პასუხისმგებლობით საკუთარ მომხმარებელზე ზრუნვას და მაქსიმალურად დაიცვას არსებული რეკომენდაციები. თითოეულმა ობიქტმა უნდა განათავსოს შესასვლელთან სადეზინფექციო საშუალებები, ყველა ვიზიტორი უნდა იყოს აღჭურვილი პირბადით და ერთჯერადი ხელთათმანებით. კომპლექსურად ყველა ამ ღონისძიების შესრულების შემთხვევაში, რისკები საგრძნობლად შემცირდება.
„ეკოსთიმსერვისი“ მოუწოდებს ბიზნესოპერატორებს დაიცვან საქართველოს მთავრობის 181-ე დადგენილებით განსაზღვრული მოთხოვნები, მომხმარებელთა უსაფრთხოების მიზნით.
„ეკოსთიმსერვისი“ მზად არის ნებისმიერ დროს გაგიწიოთ კონსულტაციები.
დეტალური ინფორმაციისათვის შეგიძლიათ ეწვიოთ კომპანიის ვებ-გვერდს www.ecosteamservice.com
(R)
ავტომწარმოებლებს ამერიკის შეერთებულ შტატებში გაყიდვების კუთხით შთამბეჭდავი 2025 წელი ჰქონდათ, მიუხედავად ისეთი სერიოზული დაბრკოლებებისა, როგორებიცაა მზარდი ფასები, მაღალი საპროცენტო განაკვეთები და იმპორტირებულ მანქანებსა თუ ნაწილებზე დაწესებული ტარიფები.
წლის დასაწყისში თეთრმა სახლმა აშშ-ში ავტომობილების გაყიდვების 2.4%-იანი ზრდა ხაზგასმით აღნიშნა. მათი განცხადებით, ეს ინდუსტრიის საუკეთესო მაჩვენებელია 2019 წლის შემდეგ და ასევე დასტური იმისა, რომ მათ მიერ დაწესებულმა ტარიფებმა ავტომობილები არ გააძვირა.
ამის გათვალისწინებით, USA TODAY-ის გუნდმა შეისწავლა წამყვანი ავტომწარმოებლების გაყიდვების უახლესი ანგარიშები, რათა გაერკვია, ვის ჰქონდა საუკეთესო 2025 წელი ავტომობილების გაყიდვების კუთხით.
გთავაზობთ 10 ყველაზე გაყიდვად ავტობრენდს იმ მწარმოებლებს შორის, რომლებმაც 2025 წლის გაყიდვების სრული მონაცემები უკვე გამოაქვეყნეს:
2025 წელს "ჯენერალ მოტორსმა" (General Motors) 2.85 მილიონი ავტომობილი გაყიდა, ყველაზე გაყიდვადი მოდელები კი Chevrolet Silverado და GMC Sierra იყო. გამოქვეყნებულ პრესრელიზში კომპანიამ განაცხადა, რომ ის უკვე ზედიზედ მეექვსე წელია, ამერიკის ლიდერია სრული ზომის პიკაპების ბაზარზე, სადაც Silverado-მ და Sierra-მ ბოლო 20 წლის განმავლობაში საუკეთესო ჯამური გაყიდვები დააფიქსირეს.
რეიტინგში მეორე ადგილზეა "ტოიოტა" (Toyota) 2.5 მილიონი გაყიდული ერთეულით, საიდანაც ყველაზე პოპულარული მოდელი RAV4 იყო. როგორც კომპანიის ვიცე-პრეზიდენტმა აღნიშნა, იაპონური კომპანია "მადლიერია გასულ წელს ტოიოტას მომხმარებლების მზარდი გამოხმაურებისთვის, რაც ხელმისაწვდომობისა და არჩევანის მრავალფეროვნებისადმი, კომპანიის ღრმა ერთგულებას ასახავს".
მესამე ადგილს 2.1 მილიონი გაყიდვით "ფორდი" (Ford) იკავებს. ყველაზე პოპულარული ავტომობილი კი F-სერია იყო. "ფორდის" განცხადებით, მათი ბაზრის წილი წლის განმავლობაში 0.6 პროცენტული პუნქტით გაიზარდა და 13.2%-ს მიაღწია, რაც მომხმარებელთა ფართო წრისთვის "ფორდის” მიზიდულობამ განაპირობა, კომპლექტაციებისა და ძრავების მრავალფეროვანი არჩევანის ხარჯზე".
ყველაზე პოპულარულ საავტომობილო ბრენდებს შორის მეოთხე ადგილზე "ტესლაა" (Tesla). მან 2025 წელს 1.6 მილიონი ავტომობილი გაყიდა, ყველაზე გაყიდვადი მოდელი კი Model Y იყო. ინვესტორებისთვის გაკეთებულ განცხადებაში Tesla-მ აღნიშნა, რომ კომპანიამ 2025 წელს 434 ათასი ავტომობილი აწარმოვა და 14.2 გიგავატ/საათი მოცულობის ენერგიის შემნახველი სისტემები დაამონტაჟა, რაც რეკორდული მაჩვენებელია".
მეხუთე ადგილზე 1.4 მილიონი გაყიდვით "ჰონდა" (Honda) და მისი CR-V არიან. "ჰონდამ" პრესრელიზში განაცხადა, რომ 2025 წელი იყო "მათთვის საუკეთესო, 2021-ის შემდეგ, 0.5%-იანი წლიური ზრდით". კომპანიის თქმით, გაყიდვების ზრდა მიღწეულ იქნა "მიუხედავად ბაზრის პირობების ცვლილებისა და მიკროჩიპების დეფიციტისა, რამაც მე-4 კვარტალში მარაგების შემცირება გამოიწვია".
1.2-მილიონიანი გაყიდვები დააფიქსირა "სტელანტისმა" (Stellantis). მისი ყველაზე გაყიდვადი მანქანა კი Ram-ის სერიის მსუბუქი პიკაპი იყო. როგორც კომპანიამ განაცხადა, კვარტალურმა გაყიდვებმა და ბაზრის წილის ზრდამ აჩვენა, რომ აშშ-ში ბიზნესის გადატვირთვისთვის Stellantis-ი სწორ ნაბიჯებს დგამს.
ასევე საუკეთესო ხუთეულის მიღმა, მე-7 ადგილზე რჩება "ნისანი" (Nissan), 926 ათასი გაყიდვით და ბესტსელერი მოდელით - Nissan Rogue. "ნისანმა" პრესრელიზში აღნიშნა, რომ "კალენდარული წლის განმავლობაში გამორჩეული შედეგები აჩვენეს მისმა Kicks და Pathfinder ყველგანმავლებმა; რომელთა გაყიდვებმაც, თითოეულის ბაზარზე გამოჩენის შემდეგ, რეკორდულ მოცულობას მიაღწია.
"ჰიუნდაიმ" (Hyundai) 2025 წელს აშშ-ში 901 ათასი მანქანა გაყიდა. მათი ყველაზე გაყიდვადი მოდელი Tucson იყო. Hyundai-ს პრეზიდენტმა და აღმასრულებელმა დირექტორმა, განაცხადა, რომ კომპანია ზედიზედ მეხუთე წელია, რეკორდულ საცალო გაყიდვებს აფიქსირებს.
"კია" (Kia) და მისი Sportage ათეულში რჩებიან, გასულ წელს გაყიდული 852 ათასი ავტომობილით. პრესრელიზში "კიამ" აღნიშნა, რომ "საცალო გაყიდვები ზედიზედ მერვე წელია იზრდება.
ბოლო ადგილი "ფოლკსვაგენს" (Volkswagen) უკავია, აშშ-ში თითქმის 330 ათასი გაყიდვით. მათი ყველაზე გაყიდვადი ავტომობილი Volkswagen Tiguan იყო. მიუხედავად იმისა, რომ ბრენდი ათეულში მოხვდა, "ფოლკსვაგენმა" პრესრელიზში განაცხადა, რომ 2025 წლის მეოთხე კვარტალის გაყიდვები 2024 წლის იმავე პერიოდთან შედარებით, 19.8%-ით შემცირდა. კომპანიის ცნობით, მათ წელი 13%-იანი კლებით დაასრულეს.
შეიძლება ითქვას, რომ 2025 წელი ამერიკულ ავტობაზარზე სტაბილურობისა და "პრაგმატული არჩევანის" წელი იყო. მძღოლებმა უარი თქვეს ექსპერიმენტებზე და არჩევანი ნაცად, საიმედო ბრენდებსა და პრაქტიკულ ქროსოვერებზე შეაჩერეს. 2026 წლისთვის ექსპერტები ვარაუდობენ, რომ ჰიბრიდულ ავტომობილებზე მოთხოვნა კიდევ უფრო გაიზრდება, ხოლო ავტომწარმოებლებს, კონკურენციის შესანარჩუნებლად, ფასების პოლიტიკის გადახედვა მოუწევთ.
წყარო:https://bm.ge/n
