USD 2.7415
EUR 3.0686
RUB 3.3973
Tbilisi
ონის მუნიციპალიტეტში გვიან ღამით მოსული ძლიერი ნალექის შედეგად, ადიდებულმა მდინარე ჭანჭახმა სარმის ხიდის ნაწილობრივ დაზიანება გამოიწვია
Date:  686
ონის მუნიციპალიტეტში გვიან ღამით მოსული ძლიერი ნალექის შედეგად, ადიდებულმა მდინარე ჭანჭახმა გამოიწვია შიდასახელმწიფოებრივი მნიშვნელობის ქუთაისი(ჭომა)-ალპანა-მამისონის უღელტეხილის საავტომობილო გზის 136-ე კმ-ზე არსებული დროებითი სარმის ხიდის ნაწილობრივ დაზიანება, რის შედეგადაც სოფელ გლოლასთან გადაადგილება დროებით შეზღუდულია.
 
საავტომობილო გზის აღნიშნულ მონაკვეთებზე ამ დროისათვის აკრძალულია ყველა სახის ავტოტრანსპორტის მოძრაობა.
 
სტიქიის ადგილზე გვიან ღამით იმყოფებოდა ონის მუნიციპალიტეტის მერი სერგი ხიდეშელი, საკრებულოს თავმჯდომარე- ბაჩანა მარკოიშვილი, რომლებიც გაეცნენ არსებულ ვითარებას.
 
დილიდან ოპერატიულად დაიწყო ტექნიკის მობილიზება და ამ დროისთვის მიმდინარეობს პრევენციული ღონისძიებები და სტიქიის შედეგების სალიკვიდაციო სამუშაოები.
 
ადგილზე იმყოფებიან ადგილობრივი ხელისუფლების წარმომადგენლებიც.
 
tbilisi
თბილისის მერია - ცოტნე დადიანის ქუჩა N2-თან მოძრაობა კვლავ შეზღუდულია - ავარიული კორპუსის იატაკის შემდეგ, არსებობს ფასადის ჩამონგრევის საფრთხე

ნაძალადევის რაიონში, ცოტნე დადიანის ქუჩა N2-თან მდებარე ავარიული კორპუსის იატაკის ჩამონგრევის შემდეგ, არსებობს შენობის ფასადის ჩამოშლის საფრთხე, რის გამოც, მიმდებარე ტერიტორიაზე გადაადგილება კვლავ შეზღუდული რჩება. ამის შესახებ ინფორმაციას თბილისის მერია ავრცელებს.

მათივე ცნობით, სპეციალისტებისგან მიღებული რეკომენდაციების საფუძველზე, მოქალაქეთა უსაფრთხოების უზრუნველსაყოფად, შესაძლო ვიბრაციების გამოწვევის გამო, მისამართზე აიკრძალა, როგორც მძიმე ტექნიკის, ისე მსუბუქი ავტომობილების გადაადგილება.

„მომხდარის გამო დაწყებული გამოძიების ფარგლებში, რამდენიმე მიმართულებით, საექსპერტო კვლევა მიმდინარეობს. ექსპერტიზის დასკვნის შემდეგ, მისამართზე დაიგეგმება საჭირო სადემონტაჟო-ინფრასტრუქტურული სამუშაოები.

სამსართულიან ავარიულ საცხოვრებელ კორპუსში იატაკი 4 მაისს ჩაინგრა. შემთხვევის ადგილი ლითონის ღობით შემოისაზღვრა და ტერიტორიაზე გადაადგილება აიკრძალა”, - ნათქვამია ინფორმაციაში.

See all
Survey
ვინ გაიმარჯვებს რუსეთ - უკრაინის ომში?
Vote
By the way