,
გერმანიის კანცლერის, ოლაფ შოლცის განცხადებით, მისი საუბარი რუსეთის პრეზიდენტ ვლადიმირ პუტინთან აჩვენებს, რომ ომის მიმართ რუსეთის პრეზიდენტის დამოკიდებულებაში ცოტა რამ შეიცვალა, - ინფორმაციას Sky News-ი ავრცელებს.
გამოცემის ცნობით, „დიდი შვიდეულის“ სამიტზე დასასწრებად გამგზავრების წინ, ბერლინის აეროპორტში შოლცმა ჟურნალისტებს განუცხადა, რომ ღირდა რუსეთის ლიდერთან საუბარი, რათა ეცადა გაეფანტა ილუზიები იმის შესახებ, რომ უკრაინა დასავლეთის მხარდაჭერას კარგავს.
„საუბარი იყო ძალიან დეტალური, მაგრამ ხელი შეუწყო იმის აღიარებას, რომ ომის შესახებ რუსეთის პრეზიდენტის შეხედულებებში ცოტა რამ შეიცვალა და ეს არ არის კარგი ამბავი“, - განუცხადა შოლცმა ჟურნალისტებს.
შეგახსენებთ, ოლაფ შოლცი ვლადიმერ პუტინს პარასკევს, ორი წლის განმავლობაში პირველად, ტელეფონით ესაუბრა. უკრაინის პრეზიდენტმა, ვოლოდიმირ ზელენსკიმ სატელეფონო საუბარი გააკრიტიკა დ განაცხადა, რომ ამ ზარმა ძირი გამოუთხარა პუტინის იზოლაციის მცდელობებს და "პანდორას ყუთი" გახსნა.
