აფხაზეთის დე ფაქტო პრეზიდენტის მოვალეობის შემსრულებელმა ვალერი ბგანბამ აფხაზეთში საგანგებო მდგომარეობა გამოაცხადა.
დე ფაქტო პრეზიდენტის განკარგულების თანახმად, კორონავირუსის COVID-19-ის გავრცელების აღსაკვეთად და მოქალაქეთა სიცოცხლისა და ჯანმრთელობის დასაცავად, საგანგებო მდგომარეობა ცხადდება 28 მარტიდან 20 აპრილამდე. ასევე იგეგმება კომენდანტის საათის დაწესებაც, შეიზღუდება ტრანსპორტის მოძრაობა.
აფხაზეთის დე ფაქტო ხელისუფლების წარმომადგენლები ირწმუნებიან, რომ დღემდე აფხაზეთში COVID 19-ის არცერთი შემთხვევა არ დაფიქსირებულა, თუმცა, რის საფუძველზე ამბობენ ამას, გაურკვეველია, რადგან, მათივე ცნობით, ვირუსის დასადგენად საჭირო 400 ტესტი რუსეთისგან მხოლოდ ახლახან მიიღეს.