ცხოველები ძალიან მიყვარს, შესვენებებზე ვხვდები ამ ცუგოებს, სულ ვცდილობ რამე წამოვუღო, გამოვკვებო. მიკროავტობუსს დაინახავენ თუ არა ჩემთან მორბიან ხოლმე, ყველა მცნობს”. - გვიყვება ნუგზარ ხოსიტაშვილი
“ეს კაცი არის ადამიანი, ამ სიტყვის სრული მნიშვნელობით. თუ მუშაობს, იმ დღეს წყნარად ვარ, ვიცი ხელცარიელი არ მივა და ვინაწილებთ ცუგიტების გამოკვების დროებს. 3 თვე დაგვჭირდა ამ ზამთარს, რომ ყველა გაგვესტერილებინა, რთული ადგილია ძაღლების დასაჭერად, 3თვის მანძილზე მუშაობდა, თუ ისვენებდა მოდიოდა და მეხმარებოდა. გუშინ ნექსგარდი მივუტანე პატარებს, მე არ მენდობიან ამ სტერილიზაციის და დევნის გამო და ნუკრის დავუტოვე. ახლა მირეკავს: შორენა, გენაცვალე სამივე პატარამ გემრიელად მიირთვა წამალი.. მოკლედ, არც საგმირო ამბავზეა ეს სტატუსი და არც სკანდალური, ერთი კეთილი ადამიანის ამბავია, იდეაში, არაფერი განსაკუთრებული არ უნდა იყოს ასეთუ საქციელი, მაგრამ ასეთ ადამიანებზე ისე იშვიათად მესმის, რომ მომინდა მომეყოლა”. - წერს სოციალურ ქსელში შორენა ცხოვრებაშვილი.
