USD 2.7079
EUR 3.1680
RUB 3.3354
Тбилиси
ცნობილი ქართველი კომპოზიტორის, არჩილ ჩიმაკაძის, დაბადებიდან 105 წელი გავიდა
дата:  2072

არჩილ ჩიმაკაძემ ვანო სარაჯიშვილის სახელობის თბილისის სახელმწიფო კონსერვატორიის საკომპოზიციო ფაკულტეტი დაამთავრა. მისი პედაგოგები იყვნენ დიდი ქართველი კომპოზიტორები შალვა მშველიძე და ანდრია ბალანჩივაძე. ამის შემდეგ სწავლა გააგრძელა მოსკოვის კონსერვატორიაში ა. ალექსანდროვის ხელმძღვანელობით.

არჩილ ჩიმაკაძის შემოქმედება მოიცავს სიმფონიურ, ვოკალურ-სიმფონიურ, ინსტრუმენტულ და საგუნდო მუსიკას. კანტატა „ქართლის გული“ (ტექსტი ა. აბულაძის) მიჩნეულია ჟანრის საუკეთესო ნიმუშად ქართულ მუსიკაში. კომპოზიტორმა შექმნა მუსიკალურ-დრამატული კომპოზიცია „ვეფხისტყაოსანი“, სიმფონიური პოემა „დევლეთი“ (ს. კლდიაშვილის ნოველის მიხედვით), ბალადა ბარიტონისა და სიმფონიური ორკესტრისათვის (ტექსტი ი. გრიშაშვილის), „ოდა სამშობლოს“ შერეული გუნდისა და სიმფონიური ორკესტრისათვის (ტექსტი დ. გაჩეჩილაძის). აღსანიშნავია, აგრეთვე, რომანსები ნიკოლოზ ბარათაშვილის, გიორგი ლეონიძის, შოთა ნიშნიანიძის ლექსებზე.
ნაყოფიერი იყო მისი თანამშრომლობა რუსთაველისა და მარჯანიშვილის სახელობის სახელმწიფო დრამატულ თეატრებთან. შექმნა მუსიკა სპექტაკლებისათვის: „ყვარყვარე თუთაბერი“, „ჰამლეტი“ , „ბახტრიონი“, „ ფიროსმანი“, „მედეა“ „არაგველები“, „ანტიგონე“, „ირინეს ბედნიერება“, „დარისპანის გასაჭირი“, „მეთორმეტე ღამე“ და სხვა.
კომპოზიტორი ნაყოფიერ შემოქმედებით საქმიანობასთან ერთად აქტიურ პედაგოგიურ მოღვაწეობასაც ეწეოდა. მან მუსიკოსთა არაერთი თაობა აღზარდა. 1960-1963 წლებში - იყო თბილისის I სამუსიკო სასწავლებლის დირექტორი, 1963-1967 წლებში - ზაქარია ფალიაშვილის სახელობის თბილისის ოპერისა და ბალეტის სახელმწიფო თეატრის დირექტორი, 1968 წლიდან - ვანო სარაჯიშვილის სახელობის თბილისის სახელმწიფო კონსერვატორიის პედაგოგი, 1972-1976 წლებში - საქართველოს ტელევიზიისა და რადიოს მუსიკალური გადაცემების სამხატვრო ხელმძღვანელი.
არჩილ ჩიმაკაძე იყო საქართველოს ხელოვნების დამსახურებული მოღვაწე (1961), საქართველოს სახალხო არტისტი (1973).

საქართველოს კულტურისა და სპორტის სამინისტრო პატივს მიაგებს არჩილ ჩიმაკაძის ხსოვნას და ქართული კულტურის განვითარებაში შეტანილ მის წვლილს.

სურათზე მარცხნიდან: ვანო გოკიელი, ნიკოლოზ (კოკა) გუდიაშვილი, არჩილ ჩიმაკაძე, რევაზ გაბიჩვაძე, მირა ფიჩხაძე, სულხან ნასიძე

общество
1 ნოემბერს ფიზიკურ პირთა ქონების გადასახადის დეკლარაციების წარდგენის ვადა იწურება

ფინანსთა სამინისტროს შემოსავლების სამსახური საზოგადოებას შეახსენებს, რომ მიმდინარე წლის 1 ნოემბერს იწურება საქართველოს საგადასახადო კოდექსით განსაზღვრული, ფიზიკური პირის ქონების გადასახადის წლიური დეკლარაციის წარდგენის ვადა.

„ქონების გადასახადის (მათ შორის მიწის) გადამხდელი ფიზიკური პირები ვალდებული არიან, წარმოადგინონ ფიზიკური პირის ქონების გადასახადის 2025 წლის წლიური (2024 წელს მიღებული შემოსავლების მიხედვით) დეკლარაცია არა უგვიანეს, მიმდინარე წლის 1 ნოემბრისა და გადაიხადონ კუთვნილი გადასახადი არა უგვიანეს 15 ნოემბრისა.

დამატებითი ინფორმაციის მისაღებად გთხოვთ, იხილოთ ბმულები:
https://rs.ge/PersonsTaxFAQ?cat=5&tab=1
https://rs.ge/LawNewsArchive?newsId=1589

ვიდეო ინსტრუქცია:

https://www.youtube.com/watch?v=9iMXptuh5ro

სასურველი ინფორმაციის მისაღებად ასევე, შეგიძლიათ ისარგებლოთ შემოსავლების სამსახურის ციფრული სერვისებით - “RS ჩათი“ და “RS ბოტი“ ან დაუკავშირდეთ საკონსულტაციო სატელეფონო ცენტრს 2 299 299

საერთო ჯამში 250 ათასზე მეტ ფიზიკურ პირს, დეკლარაციის წარდგენის ვადის შესახებ, საინფორმაციო ხასიათის მოკლე ტექსტური შეტყობინება გაეგზავნება შემოსავლების სამსახურის ელექტრონულ სისტემაში რეგისტრირებულ მობილურ ნომრებზე", - ნათქვამია შემოსავლების სამსახურის მიერ გავრცელებულ ინფორმაციაში.

более
голосование
ვინ გაიმარჯვებს რუსეთ - უკრაინის ომში?
голосование
Кстати
мир
დონალდ ტრამპი - Tomahawk-ები ბევრი გვაქვს, მაგრამ გვჭირდება
более
დონალდ ტრამპი - ის, რაც ვლადიმერ პუტინისგან გვსურს, არის, რომ შეწყვიტოს უკრაინელების და რუსების მკვლელობა
более
დიმიტრი პესკოვი - რუსეთი საქართველოსთვის კომპენსაციის გადახდის შესახებ ადამიანის უფლებათა ევროპული სასამართლოს გადაწყვეტილებას არ შეასრულებს
более