,
კორონავირუსის გავრცელების გამო ნიუ-იორკის შტატში 2022 წლის 15 იანვრამდე საგანგებო მდგომარეობა გამოცხადდა. შესაბამისი გადაწყვეტილება შტატის გუბერნატორმა, კეიტი ჰოქულმა მიიღო.
„ვინაიდან ამჟამად ნიუ-იორკში კორონავირუსის სწრაფი გავრცელება გვაქვს, როგორიც 2020 წლის აპრილის შემდეგ არ გვქონია, და ვინაიდან ბოლო თვეში კოვიდინფიცირებულთა ჰოსპიტალიზაციის ყოველდღიური მაჩვენებელი ბოლო თვეში 300-ით გაიზარდა, 2022 წლის 15 იანვრამდე შტატის მთელ ტერიტორიაზე საგანგებო მდგომარეობას ვაცხადებ“, - აღნიშნულია ჰოქულის ბრძანებაში.
ჯონს ჰოპკინსის უნივერსიტეტის მონაცემებით, ბოლო კვირაში აშშ-ში კორონავირუსის შემთხვევების რიცხვი დაახლოებით 16%-ით გაიზარდა.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
