,
ნიუ-იორკის მერის არჩევნებში „დემოკრატმა“ კანდიდატმა, ნიუ-იორკის პოლიციის ყოფილმა კაპიტანმა ერიკ ადამსმა გაიმარჯვა, - ინფორმაციას Reuters-ი ავრცელებს.
ადამსი, რომელმაც „რესპუბლიკელი“ მეტოქე კერტის სლივა იოლად დაამარცხა, ნიუ-იორკის მეორე აფრო-ამერიკელი მერი იქნება.
61 წლის ადამსი მერის პოსტს ოფიციალურად იანვარში, „დემოკრატ“ ბილ დე ბლაზიოსგან გადაიბარებს, რომელიც 8 წელია ნიუ-იორკის მერია და თანამდებობაზე ყოფნის ვადა ეწურება.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
