,
ვენესუელის დე ფაქტო პრეზიდენტი ნიკოლას მადურო აცხადებს, რომ მზადაა 2022 წელს თავისი გადადგომის საკითხზე რეფერენდუმი გამართოს, თუ ამ ინიციატივის მომხრეები საკმარისი რაოდენობის ხელმოწერებს შეაგროვებენ. ამის შესახებ ინფორმაციას ტელეკომპანია CNN-ი ავრცელებს.
„2022 წლის 10 იანვარს შესაძლებელი იქნება ხელმოწერების შეგროვების დაწყება, რათა ჩემი გადადგომის საკითხზე რეფერენდუმი გაიმართოს“, - განაცხადა მადურომ, რომელმაც პრეზიდენტის პოსტი 2019 წლის 10 იანვარს დაიკავა, მისი უფლებამოსილების ვადა კი 2025 წლის 10 იანვარს იწურება.
ვენესუელის კონსტიტუციის თანახმად, მას შემდეგ, რაც არჩეული სახელმწიფო მოხელე თანამდებობაზე თავისი ვადის ნახევარს გაატარებს, მისი გადადგომის საკითხზე რეფერენდუმის გამართვა შეიძლება.
2019 წლის იანვარში ვენესუელის ოპოზიციის ლიდერმა, ხუან გუაიდომ საკუთარი თავი პრეზიდენტის მოვალეობის შემსრულებლად გამოაცხადა. გუაიდოს ლეგიტიმურობა მსოფლიოს 50-მდე ქვეყანამ, მათ შორის, საქართველომაც აღიარა. მადუროს ხელისუფლების პირობებში ვენესუელამ საქართველოს ოკუპირებული ტერიტორიები დამოუკიდებელ ქვეყნებად აღიარა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
