,
მთიანი ყარაბაღი სომხეთია. ამის შესახებ სომხეთის პრემიერმინისტრმა BBC-სთვის მიცემულ ინტერვიუში განაცხადა.
„დიახ, არცახი სომხეთია. ის სომხების ქვეყანაა. არცახში მოსახლეობის 80%-ს ყოველთვის სომხები შეადგენდნენ და დღესაც ასეა. აზერბაიჯანს კი სურს, რომ იქ სომხები არ იყვნენ და ამიტომ, ტერორისტების დახმარებით თავს დაესხა მთიან ყარაბაღს. ნუთუ ვინმე შესთავაზებს მთიან ყარაბაღში მცხოვრებ სომხებს, თავიანთ ფესვებზე თქვან უარი?!“-აღნიშნა ნიკოლ ფაშინიანმა.
„არსებობს შეთანხმების კონკრეტული ბაზა, რომელშიც წერია, რომ თუ შეიქმნება სომხეთის ტერიტორიაზე თავდასხმის პირდაპირი საფრთხე, რუსეთმა უნდა შეასრულოს აღებული ვალდებულება, რის გარანტიასაც მოსკოვი იძლევა,“-აღნიშნა ნიკოლ ფაშინიანმა. მანამდე სომხეთის პრემიერმა კომპრომისისთვის მზადყოფნა გამოთქვა, თუმცა ფაშინიანის თქმით, ეს იმ შემთხვევაში მოხდება, თუ დათმობებზე აზერბაიჯანული მხარეც წავა.
სომხეთისა და აზერბაიჯანის საზღვარზე ვითარება 27 სექტემბერს დაიძაბა. პრემიერ-მინისტრის, ნიკოლ ფაშინიანის განცხადებით, აზერბაიჯანმა მთიანი ყარაბაღის მიმართულებით საჰაერო და საარტილერიო შეტევა დაიწყო. აზერბაიჯანული მხარის განმარტებით კი, ისინი სომხეთის მხრიდან, მთელი ფრონტის ხაზზე სროლებს პასუხობდნენ. ორივე მხარე იუწყება, რომ დაღუპულია მშვიდობიანი მოსახლეობა.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
