,
ირაკლი კობახიძე ინფრასტრუქტურის სამინისტროს 4.1 მლნ ლარის მითვისების საქმის ირაკლი ღარიბაშვილის და გრიგოლ ლილუაშვილის შესაძლო დაკავებასთან დაკავშირებას ინტეპრეტაციას უწოდებს. როგორც მან ჟურნალისტებს შესაბამისი კითხვის საპასუხოდ განუცხადა, აქტიურად გაგრძელდება კორუფციის წინააღმდეგ ბრძოლა.
სუს-ის ინფორმაციით, მიმალვაშია ბიზნესმენი და ვანში საკრებულოს წევრი ბიჭიკო პაიკიძე, რომლის კომპანიამაც ინფრასტრუქტურის სამინისტროსთან გაფორმებულ 46.6 მილიონი ლარის კონტრაქტებიდან 4.1 მილიონი ლარი უკანონოდ მიითვისა. საქმეზე სულ 5 პირი დააკავეს, მათ შორის "ბიპი ტრანსის" დირექტორი ვალერიანე კვარაცხელიაც. დანაშაული ითვალისწინებს თავისუფლების აღკვეთას 6-დან 9 წლამდე ვადით. არსებული ინფორმაციით, ბიჭიკო პაიკიძე გრიგოლ ლილუაშვილის ნათესავია.
"ნათესაობას არავითარი მნიშვნელობა არ აქვს, თუ არის კონკრეტული ეჭვები, რა თქმა უნდა, საქმე უნდა აღიძრას, ბრალის წაყენება უნდა მოხდეს. ეს არის სახელმწიფოს პასუხისმგებლობა. ყველა მიმართულებით გააქტიურებულია ბრძოლა დანაშაულის, მათ შორის კორუფციული დანაშაულის წინააღმდეგ. გაგრძელდება ამ მიმართულებით აქტიური მუშაობა.
მთავარი მიზანია კორუფციასთან ბრძოლა, სახელმწიფოსთვის მიყენებული ზიანის ანაზღაურება, დანარჩენი ინტერპრეტაციებია. თუ იყო ზურგი, ამითაც დაინტერესდება საგამოძიებო უწყება. თეორიულად, შეიძლება ზურგითაც მოხდეს რაღაცები და ზურგის გარეშეც.
რა დაპირებაც გაიცა ბატონი ბიძინა ივანიშვილის მხრიდან ორი წლის წინ, ეს იყო დაპირება კორუფციასთან ბრძოლასთან დაკავშირებით, მე ვიღებ პასუხისმგებლობას, როგორც მთავრობის ხელმძღვანელი, რომ პირნათლად იქნება შესრულებული. გარდა იმისა, რომ წარსულში ჩადენილი შესაძლო დანაშაულების გამოვლენის მიზნით აქტიურად ვიმუშავებთ, მთავარი პირობა რასაც გაძლევთ არის, რომ მთავრობა განაგრძობს აბსოლუტურად გამჭვირვალედ მუშაობას",- ამბობს "ოცნების" მთავრობის პრემიერი.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
