USD 2.7374
EUR 2.9058
RUB 2.7753
Tbilisi
ნარკოტიკები უძველეს ცივილიზაციებში
Date:  586
ნარკოტიკებით კაცობრიობა ათასწლეულების წინ დაინტერესდა. სავარაუდოდ, პირველი ნარკოტიკი ყაყაჩო იყო, რომელსაც შუმერები უკვე 6 ათასწლეულის წინ იყენებდნენ მედიცინასა და რელიგიაში (შამანიზმში). ყაყაჩოსგან ოპიუმს იღებდნენ. ქურუმებს მიაჩნდათ, რომ გაბრუებულ მდგომარეობაში სულებთან კავშირი შესაძლებელი ხდებოდა, ხოლო მკურნალებს შეეძლოთ, მისი საშუალებით ავადმყოფებისთვის ტკივილი დაეამებინათ. შუმერულ ქალაქ ნიპურში ნაპოვნია თიხის ფირფიტა ლურსმული დამწერლობით, რომელიც ძვ.წ. III ათასწლეულით თარიღდება, ფესვთა და ბალახთა ძალის შესახებ. ავტორი გამაბრუებელ საშუალებებს უწოდებს "ჰულ გილ", რაც "სიამოვნების მცენარეს" ნიშნავს. ავტორი აგრეთვე დაწვრილებით აღწერს ოპიუმს.
 
თუმცა აღსანიშნავია, რომ ზოგიერთი მკვლევარი ეჭვქვეშ აყენებს შუმერების მხრიდან ნარკოტიკების გაცნობის ამბის სიძველეს და ეს პერიოდი ძვ.წ. II ათასწლეულში გადმოაქვს.
 
შუმერების შემდეგ ნარკოტიკები ბაბილონში გავრცელდა. ძვ.წ. XV საუკუნეში ოპიუმი შევიდა ეგვიპტესა და მესოპოტამიაში, ძვ.წ. IX საუკუნეში კი სპარსეთში. აზიაში ფართოდ გავრცელდა ალექსანდრე მაკედონელის დაპყრობების შედეგად, რადგან მისი მეომრები ოპიუმს აქტიურად მოიხმარდნენ და ადგილობრივებს მისი მოყვანაც ასწავლეს.
 
სიტყვა "ნარკოტიკი" ბერძნულია და პირველად ახსენა ჰიპოკრატემ (დაახლოებით ძვ.წ. 460-370). მან ასე უწოდა ნივთიერებებს, რომლებიც იწვევს მგრძნობელობის დაკარგვას ან პარალიჩს. ტერმინი საბოლოოდ დაამკვიდრა გამოჩენილმა რომაელმა ექიმმა, წარმოშობით ბერძენმა კლავდიუს გალენოსმა (129-201 წწ.). მოგვიანებით ევროპაში ნარკოტიკების გავრცელებას ხელს უშლიდა ეკლესია, რადგან ეშმაკისეულ ნივთიერებად მიიჩნევდა.
 
ინდოეთსა და ჩინეთში არაბმა ვაჭრებმა ოპიუმი VIII საუკუნეში შეიტანეს. მანამდე აქ უკვე იცნობდნენ კანაფის ფსიქოაქტიურ ზემოქმედებას, აგრეთვე ზოგიერთი სხვა ტოქსიკური მცენარისას, მაგალითად, ტილჭირის.
 
ამერიკის კონტინენტზე დიდი რაოდენობით იყო სხვა ნარკოტიკი - კოკაინი, რომელსაც კოკის ბუჩქებისგან იღებდნენ. მისი საშუალებით შიმშილსა და დაღლილობას ებრძოდნენ. ინდიელები კოკაინის ბუჩქის ფოთოლს სიგრძის საზომ ერთეულადაც კი იყენებდნენ. კოკაინზე მოთხოვნის შემცირება აქაც ეკლესიამ მოახერხა, ოღონდ ამას დიდი დრო და ძალისხმევა დასჭირდა.
analytics
«Financial Times» (დიდი ბრიტანეთი): „მლიქვნელობა, მოგების წყურვილი თუ მშვიდობა: უკრაინის შეთავაზება დონალდ ტრამპს“

ბრიტანულ გაზეთში „ფაინენშელ თაიმსში“ (Financial Times) დაბეჭდილია სტატია სათაურით „მლიქვნელობა, მოგების წყურვილი თუ მშვიდობა: უკრაინის შეთავაზება დონალდ ტრამპს“ (ავტორები - ჰენრი ფოი და მაქს სედონი)

 გთავაზობთ პუბლიკაციას შემოკლებით:

„უკრაინა ცდილობს თავისი „გამარჯვების გეგმა“ დონალდ ტრამპის გაპრეზიდენტების ფონზე როგორმე განახორციელოს და იმედოვნებს, რომ ამაში თეთრი სახლის მომავალი ბინადარის საქმიანი მიდგომები დაეხმარება.

უკრაინელი და ევროპელი ჩინოვნიკების თქმით, უკრაინის დასავლელი მოკავშირეები კიევს რჩევებს აძლევენ, თუ როგორ უფრო კარგად შეიძლება იმ წინადადების ფორმულირება, რომელიც უკრაინა-დასავლეთის თანამშრომლობის სტიმულირებას მოახდენს. როგორც ცნობილია, უკრაინის „გამარჯვების გეგმის“ ერთ-ერთი პუნქტი ეხება კიევის შეთავაზებას დასავლეთისადმი ქვეყნის ტერიტორიაზე არსებული სასარგებლო წიაღისეულით სარგებლობის თაობაზე, რომელიც დონალდ ტრამპის გამარჯვების ფონზე, დადებითი როლის შესრულება შეუძლია. რესპუბლიკელი პრეზიდენტი ხომ ბიზნესმენია.

უკრაინელი მსხვილი მეწარმეები, მთავრობასთან ერთად, იხილავენ საკითხს, რომ დონალდ ტრამპს უფლება მისცენ ინვესტიციისათვის სასურველი სფერო ამოირჩიოს და თვითონ შეარჩიოს ის ბიზნესმენები, რომლებიც უკრაინაში ინვესტიციებს ჩადებენ.

განხილვის ერთ-ერთმა  მონაწილემ ეს იდეა გამოხატა როგორც „ყველა, მაგრამ ჩინეთის გარეშე“, რაც დონალდ ტრამპს, ალბათ, განსაკუთრებით მოეწონბა. ჩინურ ტექნოლოგიაზე დამოკიდებული უკრაინის დარგებს შესაძლებლობა ექნებათ სწრაფად გადაერთონ ამერიკულ მიმწოდებლებზე და მეტი დასავლური ინვესტიციები მიიზიდონ.

რას ნიშნავს ასეთი შეთავაზება - მლიქვნელობას, მოგების წყურვილს თუ მშვიდობის დამყარების სურვილის გამოვლენას? მართალია, არავინ იცის, თუ როგორ მოიქცევა თვითონ დონალდ ტრამპი, ან რას იზამს ვლადიმერ პუტინი, როგორ წარიმართება რუსეთ-უკრაინის ომი, რა დათმობები მოუწევს (ან არ მოუწევს) უკრაინას, მაგრამ მზადება მაინც მიმდინარეობს.

უკრაინის ვერხოვნა რადას (პარლამენტის) საგარეო საქმეტა კომიტეტის თავმჯდომარემ ალექსანდრე მერეჟკომ დონლად ტრამპისადმი სეთავაზებას „ბრძნული ნაბიჯი“ უწოდა და აღნიშნა, რომ „უკრაინა დასავლეთისათვის ზედმეტი ტვირთი და მუქთამჭამელა არ იქნება“.

საქმის კურსში მყოფი პირების თქმით, უკრაინა ცდილობს დონალდ ტრამპის ბანაკის წევრთა სურვილები კიდევაც დააკმაყოფილოს და მათ მიმართ გარკვეული კომპრომისები გასწიოს. ასე მაგალითად, კიევი თანახმაა თანამდებობიდან გაათავისუფლოს თავისი ელჩი აშშ-შო ოქსანა მარქაროვა, რომელმაც ვოლოდიმირ ზელენსკის აშშ-ში ვიზიტის დროს ისე მოაწყო საქმე, რომ იგი ჯო ბაიდენის მშობლიურ შტატში წაიკყვანეს და იქ არსებული სამხედრო ქარხანა აჩვენეს. დათვალიერების მომენტს მხოლოდ დემოკრატები ესწრებოდნენ - კამალა ჰარისის მომხრეები, რამაც რესპუბლიკელი კანდიდატის საარჩევნო შტაბის რისხვა გამოიწვია. ამბობენ, რომ ელჩის თანამდებობა ყოფილ მინისტრს დიმიტრი კულებას შესთავაზეს, მაგრამ მან უარი განაცხადა.

დონალდ ტრამპი ხშირად იკვეხნის, რომ მას ახლო ურთიერთობა აქვს რუსეთის პრეზიდენტთან, მაგრამ როგორც ხშირად ხდება ხოლმე პოლიტიკაში, შესაძლოა ტრამპისათვის პუტინთან სიახლოვემ ცუდი როლი შეასრულოს. იგივე შეიძლება მოუვიდეს ვოლოდიმირ ზელენსკისაც.

                წყარო: https://www.ft.com/content/623c197f-6952-4229-bfbc-0a96e43d6f2d

See all
Survey
ვინ გაიმარჯვებს რუსეთ - უკრაინის ომში?
Vote
By the way