დედაქალაქში ეკოლოგიური მდგომარეობის გასაუმჯობესებლად მუშაობა გრძელდება.
ნაძალადევის რაიონში დენდროლოგიური და ინფრასტრუქტურული სამუშაოები კიდევ ორ მისამართზე დასრულდა. ცოტნე დადიანის გამზირზე N148-სა და გვაზაურის N11 კორპუსებთან, ჯამში, 1650 კვ.მ ფართობზე რეკრეაციული სივრცეები მოეწყო.
პროექტის ფარგლებში, ბალახის საფარი დაიგო, ათობით ხე-მცენარე და ბუჩქი დაირგო, ასევე, დამონტაჟდა სარწყავი სისტემა და ტერიტორია ლითონის მოაჯირით შემოიღობა.
აღნიშნულ მისამართებზე შესრულებული გამწვანების სამუშაოებისთვის, ნაძალადევის რაიონის გამგეობის ბიუჯეტიდან 239 968 ლარი დაიხარჯა.
