ნაძალადევის რაიონში მინი ფეხბურთის ტურნირი ,,ნაძალადევის თასი 2023“ გაიმართა. სპორტულ შეჯიბრებაში 16 გუნდი მონაწილეობდა. I, II და III ადგილზე გასულ გუნდებს საჩუქრად თასები, მედლები და ფულადი ჯილდოები გადაეცა.
სპორტული შეჯიბრის გამარჯვებულები და ტურნირის მონაწილე უხუცესი ფეხბურთელი თენგიზ ნადარეიშვილი ნაძალადევის რაიონის გამგებელმა ირაკლი ანდღულაძემ დააჯილდოვა.
,,ვულოცავ გამარჯვებას ფინალში გასულ გუნდებს. სამომავლოდ სპორტული ღონისძიებების ჩატარებას აქტიურად ვგეგმავთ. ჩვენთვის პრიორიტეტია, ხელი შევუწყოთ ახალგაზრდების სპორტულ განვითარებასა და ცხოვრების ჯანსაღი წესის პოპულარიზაციას“, - განაცხადა ირაკლი ანდღულაძემ.
შეჯიბრება ნაძალადევის რაიონის გამგეობის დაფინანსებითა და ორგანიზებით გაიმართა.
