14:16,
04/17
პრემიერ-მინისტრის მრჩეველმა ირაკლი ჩიქოვანმა მართლმადიდებელ ეკლესიასა და საქართველოს მთავრობას შორის შეთანხმება გამოაცხადა. ერთობლივი გადაწყვეტილებით, ეკლესიები არ დაიხურება. ჩიქოვანი აზუსტებს, რა შეზღუდვებს მოიცავს შეთანხმება.
„ჩვენ მივიღეთ გადაყვეტილება, რომ არ დაირღვეს კანონი და არ დაიხუროს ეკლესიები და დაცული იყოს სოციალური დისტანცირება, მოქალაქეების ჯანმრთელობასა და სიცოცხლეზე ზრუნვის მიზნით. ჩვენ მივიღეთ ერთობლივი გადაწყვეტილება, რომლის შედეგად ეკლესიაში დაცული იქნება უსაფრთხოების ყველა ნორმა, რომელიც დადგენილია ჯანდაცვის სამინსიტროსა და დაავადებათა კონტროლის ეროვნული ცენტრის მიერ. კერძოდ, დიდი ზომის ეკლესიებში - 2-მეტრიანი სოციალური დისტანცია, ხოლო, მცირე ზომის ეკლესიებში იქნებიან მხოლოდ სასულიერო პირები და ეკლესიის მსახურები. ამასთან, ყველა ეკლესიასთან მობილიზებული იქნება პოლიციის ეკიპაჟები, რომლებიც ადგილზე უზრუნველყოფენ კომენტანდის საათით გათვალისწინებული ნორმებისა და სოციალური დისტანციის დაცვას“, - განაცხადა ირაკლი ჩიქოვანმა.
დაავადებათა კონტროლი ეროვნული ცენტრის ხელმძღვანელი ამირან გამყრელიძე აღნიშნული გადაწყვეტილების კომენტირებისას აღნიშნავს, რო მათი რეკომენდაციების გათვალისწინება დიდი დოზით მოხდა.
"ამ ერთი თვის განმავლობაში საპატრიარქოში სამჯერ ვიყავი. დაავდებათა კონტროლის ეროვნულმა ცენტრმა თავისი რეკომენდაციები მისცა მთავრობას და ეკლესიას. დანარჩენი კი უკვე მთავრობის და ეკლესიის გადასაწყვეტია. რეკომენდაციების გათვალისწინება დიდი დოზით მოხდა“, - განაცხადა გამყრელიძემ.
