მთაწმინდის რაიონის გამგეობის ორგანიზებით, რაიონში მცხოვრები ახალგაზრდებისთვის ფეხბურთის ტურნირი „დემეს თასი“ გაიმართა. ტურნირი ლეგენდარული ფეხბურთელის გიორგი დემეტრაძის სახელს ატარებს.
ღონისძიებაში მონაწილეობა რაიონში მცხოვრებმა რვა გუნდად დაკომპლექტებულმა ახალგაზრდებმა მიიღეს.
ღონისძიებას, მთაწმინდის რაიონის გამგებელი დავით კირკიტაძე და თავად გიორგი დემეტრაძე დაესწრნენ.
საპრიზო ადგილები ასე გადანაწილდა:
I ადგილი - „ლაშა მასის გუნდი“
II ადგილი- „ზემო ვერა“
III ადგილი - „ჯამბული“.
ასევე, გამოვლინდა საუკეთესო ფეხბურთელი - ლუკა რობაქიძე.
გამარჯვებულებს პრიზები, ვაუჩერები, მედლები და თასი გადასცეს. პირველი, მეორე და მესამე ადგილის მფლობელებმა, ასევე, დემეს ფონდიდან ფულადი ჯილდოც მიიღეს.
