,
თბილისში უძრავი ქონება ყველაზე ძვირი მთაწმინდაზეა - საქსტატის ანგარიშის თანახმად, ამ უბანში ახალაშენებულ ბინებში ერთი კვადრატული მეტრის საშუალო ღირებულება 4,236 ლარს შეადგენს.
თბილისში ყველაზე ხელმისაწვდომი უძრავი ქონება სამგორის რაიონშია, სადაც ახალაშენებულ კორპუსებში ერთი კვადრატული მეტრის ფასი საშუაოდ 2,359 ლარს შეადგენს.
საქსტატის მიხედვით, დედაქალაქში ლარებში გამოხატული უძრავი ქონების ფასი 2021 წლის პირველი კვარტალის მდგომარეობით, წინა წლის ანალოგიურ პერიოდთან შედარებით 12%-ით არის გაზრდილი. ლარებში ფასის ასეთი ზრდის მთავარი გამომწვევი მიზეზი სავარაუდოდ ლარის გაცვლითი კურსის გაუფასურებაა, რადანაც როგორც წესი დეველოპერები და რეალიზატორები უძრავი ქონების ფასებს არა ლარში, არამედ დოლარში ადგენენ.
კვადრატული მეტრის ფასი ახალაშენებულ კორპუსებში თბილისის უბნების მიხედვით, შემდეგნაირია:
მთაწმინდა - 4,236 ლარი;
ვაკე - 3,774 ლარი;
საბურთალო - 3,236 ლარი;
ჩუღურეთი - 3,211 ლარი;
კრწანისი - 3,000 ლარი;
დიდუბე - 2,929 ლარი;
ნაძალადევი - 2,571 ლარი;
ისანი - 2,529 ლარი;
გლდანი - 2,490 ლარი;
სამგორი - 2,359 ლარი;
"აღნიშნული ფასი წარმოადგენს გასაყიდ, ე.წ. შეთავაზების ფასს. მონაცემები მიღებულია ვებ-გვერდებიდან ინფორმაციის ავტომატური ჩამოტვირთვის და ფასების მედიანური მნიშვნელობების გაანგარიშების გზით,"- ნათქვამია საქსტატის ანგარიშის მეთოდოლოგიაში.
ამერიკული გაზეთი „ჰილი“ (The Hill) აქვეყნებს სტატიას სათაურით „მკვდრეთით აღმსდგარი: დონალდ ტრამპი როგორც ამერიკული პოლიტიკის „ლაზარე“ (ავტორი - დერეკ ჰანტერი).
„სიტყვას „ისტორიული“ პოლიტიკაში ხშირად იყენებენ ხოლმე და მას ფეხბურთის ბურთივით ათამაშებენ, ზოგჯერ კი მიზანში ვერ ურტყამენ. დონალდ ტრამპთან მიმართებით კი ამ სიტყვის გამოყენება სამართლიანია. მისი მიღწევა მართლაც ისტორიულია. მან უდიდესი რევანში აიღო პოლიტიკაში.
დონალდ ტრამპი არამხოლოდ პოლიტიკური გვამი იყო, არამედ საერთოდ, „პერსონა ნონ-გრატა“ როგორც ვაშინგტონში, ასევე მშობლიურ ნიუ-იორკშიც. და როგორც ხდება ხოლმე პოლიტიკაში, მას საპყრობლეში გაგზავნითაც ემუქრებოდნენ... და ახლა იგი თეთრ სახლში ძლევამოსილად ბრუნდება - ისეთ თამაშში გამარჯვების შემდეგ, რომელიც მანამდე არავის უთამაშია.
აშშ-ის ისტორიაში დონალდ ტრამპამდე მისნაირად მხოლოდ 22-ე და 24-ე პრეზიდენტი გროვერ კლივლენდი იქნა არჩეული ორი ვადით („შუალედური შესვენებით“ 1885-1889 და 1893-1897 წლებში). მსგავსი შემთხვევა ჰქონდა რიჩარდ ნიქსონს, რომელმაც 1960 წელს საპრეზიდენტო არჩევნებიც წააგო, გუბერნატორის არჩევნებიც (1962 წელს) და განაცხადა - „მორჩა, მეგობრებო, რიჩარდ ნიქსონს ვეღარსად ვეღარ ნახავთ - იმიტომ, რომ ეს ჩემი ბოლო პრეს-კონფერენციაა“. ჩვენ მისი ნახვა მაინც მოგვიწია 1968 წელს, თეთრ სახლის ოვალურ კაბინეტში. თუ რითი დაასრულა მან თავისი პრეზიდენტობა, გვახსოვს („უოტერგეიტით“), მაგრამ ფაქტია, რომ მისი დაბრუნება იმ დროისათვის ძალზე შთამბეჭდავი იყო.
დონალდ ტრამპმა კი რიჩარდ ნიქსონსაც გადააჭარბა. იგი ფაქტიურად „დამარხული“ იყო საკუთარი რესპუბლიკური პარტიის წევრების მხრიდანაც კი, სხვები კი მოთმინებით ელოდნენ, რომ იგი უბრალოდ გუდა-ნაბადს აიკრავდა და პოლიტიკიდან წავიდოდა. მაგრამ ასე არ მოხდა.
ამერიკელებმა თავისი პოზიცია გამოხატეს: მათ ცვლილებები სურდათ და კიდეც განახორციელეს. დონალდ ტრამპი ვერაფერმა ვერ შეაჩერა - ვერც ბრალდებებმა, ვერც თავდასხმებმა... ყველა მემარცხენე გაზეთი და ტელევიზია აკრიტიკებდა, ემუქრებოდა, აშინებდა, მაგრამ ისინი ყველა „ქაღალდის ვეფხვები“ აღმოჩნდნენ, დონალდ ტრამპმა ყველა „დაიკიდა“. რას იზამენ ახლა ტელეარხების MSNBC-სა და CNN-ის ხელმძღვანელები და მაყურებლები? ვინ აღმოჩნდა მარგინალი - ისინი თუ დონალდ ტრამპი? აღიარებენ თუ არა იმას, რომ არასწორად იქცეოდნენ - როცა ყველას, ვინც დონალდ ტრამპის გვერდით იდგა, გიჟებად და სულელებად თვლიდნენ?
მოკლედ, დონალდ ტრამპი „კონსტანტის“ (მუდმივის) განსახიერებაა: იგი იყო, არის და იქნება.
წყარო: https://thehill.com/opinion/campaign/4975713-donald-trump-greatest-comeback-since-lazarus/
