თბილისი - მშენებლობის ბუმი, ბრძოლა დეველოპერებს შორის პირველობისთვის.

წყარო: https://kalaki.ge

უამრავი ჩავარდნილი და ასევე, გამართლებული პროექტი და ამ ქაოსში მცხოვრები დედაქალაქის მაცხოვრებლები, რომლებიც ყოველდღიურად თვალს ადევნებენ უძრავ ქონებაზე ფასების კატასტროფულ ზრდას. ძველი თბილისის ნაგებობებთან ერთად, უკვე ყოველი ფეხის ნაბიჯზე შეხვდებით თანამედროვე შენობებს, რომელიც მრავალი ათასი მეტრის ფართობზეა გადაჭიმული.

დეველოპერები მომხმარებლის მოზიდვას ახალი პროექტებით, ინოვაციური შეთავაზებებითა და მარკეტინგული ხრიკებით ცდილობენ, რაც ფაქტია, რომ უდაოდ გამოსდით. მიუხედავად მაღალი ღირებულებისა ალბათობა იმისა, რომ ბინები იყიდება, დიდია. წინააღმდეგ შემთხვევაში სამშენებლო ინდუსტრიის ასეთ ფართომასშტაბიან განვითარებას აზრი არ ექნებოდა.

სამშენებლო ინდუსტრია მთელ მსოფლიოში ბიზნესის ერთ-ერთი ყველაზე აქტიური დარგია. მას უდიდესი გავლენა აქვს ქვეყნის ეკონომიკაზე. განვითარებად ქვეყნებში სამშენებლო ბიზნესის განვითარება მხოლოდ მომიჯნავე ინდუსტრიების პროგრესირებას კი არ უწყობს ხელს, არამედ დადებითად მოქმედებს ქვეყნის სოფლის მეურნეობაზე, სატრანსპორტო ინფრასტრუქტურაზე, სამუშაო ადგილების რაოდენობაზე და ა.შ ინფრასტრუქტურულ პროექტებს თავიანთი წვლილი შეაქვთ ეროვნულ მთლიან შიდა პროდუქტში, რაც პირდაპირ ქვეყნის ეკონომიკური კეთილდღეობის ზრდისკენაა მიმართული. სამშენებლო ინდუსტრიის განვითარებას თან სდევს სამუშაო ადგილების მატება. სამშენებლო ინდუსტრია არის ბიზნესი, სადაც თითოეული პროექტის განხორციელებას შეიძლება ჰქონდეს მნიშვნელობა ქვეყნის ეკონომიკისთვის, განსაკუთრებით მაშინ, როდესაც საქმე ეხება განვითარებად ქვეყნებს – ისეთებს, როგორიც საქართველოა.

რა ხდება ჩვენს ქვეყანაში? ვინ არის ლიდერი დეველოპერული კომპანია, რომელმაც ხალხისა და ქვეყნის მმართველების ნდობა წარმატებით მოიპოვა?

უძრავი ქონების პლატფორმა „livo – ლივო”-ზე დაყრდნობით, Kalaki.ge გაგაცნობთ სამშენებლო ფართის მიხედვით, ტოპ – 10 უმსხვილეს დეველოპერულ კომპანიას, რომელმაც ევროპული სტანდარტებით აღჭურვილი მრავალნაირი პროექტი შემოგვთავაზა…

„ემ კვადრატი“

„m²“ – ს უკვე 15 წელია მნიშვნელოვანი ადგილი უჭირავს საქართველოს უძრავი ქონების ბაზარზე. კომპანია ქმნის კომფორტული ცხოვრების ახალ, თანამედროვე სტანდარტს.

კომპანიის მიერ დასრულებულ 11 საცხოვრებელ კომპლექსში დღეს 3,000-ზე მეტი ოჯახი ცხოვრობს. ენერგო ეფექტურობა, ხარისხზე გათვლილი მშენებლობა, პროექტების თანამედროვე ინფრასტრუქტურა, სახლების ჩაბარების შემდგომი მომსახურება კომპლექსებში – ეს m²-ის მთავარი მიმართულებებია.

2019 წლიდან კომპანიამ დაიწყო უბნის ტიპის პროექტების განხორციელება. სწორედ ასეთი პროექტია „m³ საბურთალო“, რომელიც 2000 ოჯახზეა გათვლილი.

m²-ის დასრულებული საცხოვრებელი კომპლექსებია: m² ჩუბინაშვილზე, m² იპოდრომთან, m² ყაზბეგზე, m² ნუცუბიძეზე, m² თამარაშვილზე, ოპტიმა ისანი, სქაილაინ რეზიდენსი, m² იპოდრომთან 2, m² ყაზბეგზე 2, m² ჭავჭავაძეზე, m² მელიქიშვილზე.

დღეისათვის კი კომპანიას აქვს ხუთი მიმდინარე პროექტი, ესენია: m² Highlight, m³ საბურთალო, m² მირცხულავაზე, m² ჭყონდიდელზე, m² ნუცუბიძეზე 2.

„თეთრი კვადრატი“

„თეთრი კვადრატი“ არის „ბიქეი ჰოლდინგში“ შემავალი დეველოპერული კომპანია. „ბიქეი ჰოლდინგი“ აერთიანებს სამშენებლო კომპანია „ბიქეი ქონსთრაქშენს“, სამშენებლო კოლეჯ „კონსტრუქტ2“-ს და დეველოპერულ კომპანია „თეთრ კვადრატს“.

„ბიქეი ქონსთრაქშენი“ 30-წლიანი გამოცდილების მქონე, ერთ-ერთი წამყვანი სამშენებლო კომპანიაა საქართველოში. კომპანიის პორტფელშია ისეთი პროექტები, როგორიცაა დეველოპერული კომპანია m2 -ის პროექტები (მათ შორის კომპანია „სვეტის“-გან გადმობარებული დაუმთავრებელი პროექტები),დეველოპერული კომპანია „არქის“ პროექტები, „თბილისი გარდენსის“ მრავალბინიანი საცხოვრებელი სახლი, სასტუმრო რედისონ წინანდალი, სასტუმრო პარკ ინი წინანდალში, სასტუმრო მოქსი, სასტუმრო რამადა ენკორი, სასტუმრო რამადა თბილისი, სასტუმრო გუდაური ლოჯი, სასტუმრო იბისი თბილისი სტადიონთან და სხვა.

30 წლიანი ოპერირების განმავლობაში „ბიქეი ქონსთრაქშენი“ ცდილობს ქართულ ბაზარზე, მშენებლობის მაღალი სტანდარტები დაამკვიდროს.

სამშენებლო სექტორში წლების განმავლობაში დაგროვილი გამოცდილების შედეგად გაჩნდა, „თეთრი კვადრატის“ , დამოუკიდებელ დეველოპერულ კომპანიად ჩამოყალიბების იდეა.

დეველოპერული კომპანია „თეთრი კვადრატის“ მიმდინარე პროექტებია: მრავალბინიანი საცხოვრებელი პროექტი საბურთალოზე „თეთრი კვადრატი შარტავაზე“; ექსკლუზიური, 80 ბინიანი საცხოვრებელი სახლი, ასევე საბურთალოზე, გიორგი დანელიას ქუჩაზე – „ფილიგრინი“; მრავალბინიანი საცხოვრებელი სახლი პოლიტკოვსკაიას ქუჩაზე – „თეთრი კვადრატი ჯიქიაზე“; ახალი უბანი საბურთალოზე – „თეთრი კვადრატი მინდელზე“; მრავალბინიანი საცხოვრებელი სახლი – „თეთრი კვადრატი ქავთარაძეზე“; ,,თეთრი კვადრატი ვარკეთილში“.

„არქი“

არქის ისტორია 2006 წლიდან დაიწყო. დღეს არქი ასევე, ერთ-ერთი ლიდერი დეველოპერული კომპანიაა და უკვე 30 000-მდე „არქელს“ ერთ დიდ ოჯახად აერთიანებს. დასრულებული აქვს 43 საცხოვრებელი სახლი, რომელთა საერთო სამშენებლო ფართი 805 000 კვ.მ.-ზე მეტია. ამ ეტაპზე 20 პროექტი შენდება, ხოლო უახლოეს მომავალში კიდევ 10-მდე ახალი საცხოვრებელი სახლისა და რამდენიმე საერთაშორისო და ადგილობრივი ბრენდის სასტუმროს მშენებლობა იგეგმება თბილისში, ასევე, შავი ზღვისა და მთის კურორტებზე.

ენერგოეფექტურ და „არქელების“ კომფორტზე მორგებულ საცხოვრებელ სახლებთან ერთად აღსანიშნავია, არქის აპარტოტელები, რომლებიც ბინის მფლობელებსა თუ სტუმრებს მაღალი დონის მომსახურებას სთავაზობს და ინვესტიციის საუკეთესო საშუალებას წარმოადგენს, როგორც ქართველებისთვის, ასევე უცხოეთის მოქალაქეებისთვის.

კომპანია ბინის შეძენის შემდეგ აგრძელებს მაცხოვრებლებზე ზრუნვას, უქმნის მათ კომფორტს და სხვადასხვა მომსახურებას სთავაზობს. ასევე, კომპანია ხშირად აწყობს სხვადასხვა აქტივობებსა და ღონისძიებებს „არქელებისთვის“, რომლის მიზანიც მაცხოვრებლების კმაყოფილებაზე ზრუნვა და ერთმანეთთან დაახლოებაა.

„დომუსი“

კომპანია „დომუსი“ 2006 წელს დაარსდა. ხარისხი, ინოვაციები და მწვანე არქიტექტურა – მათი მთავარი და უცვლელი ღირებულებებია. კომპანია „დომუსის“ მიმდინარე პროექტები მოიცავს შემდეგ კომპლექსებს:

„დომუსის ხეები“, ჭავჭავაძის გამზ. №31- არქიტექტურული კონცეფციის მთავარ შთაგონებად ტერიტორიაზე არსებული საზოგადოებრივი სკვერის ლანდშაფტი და მრავალწლიანი მწვანე ნარგავების – ხეების კომპოზიცია, პლასტიკა და ტექსტურაა. ხეთა ჯგუფების მსგავსი – სამი სხვადასხვა ტონალობისა და სიმაღლის შენობისაგან შემდგარი არქიტექტურული კომპოზიციის შექმნა სწორედ ამ ლანდშაფტმა და ნარგავებმა განაპირობა. ეს კონცეფცია კიდევ უფრო გამძაფრებულია შენობის თითოეულ სართულზე არსებული ბაღების, ორანჟერეების და მწვანე ნარგავების სიმრავლით. შენობის ექსტერიერის თემატიკა ლეიტმოტივად მიჰყვება აგრეთვე შენობის ინტერიერსაც, სადაც დიზაინში ხის ვერტიკალური ელემენტები და ბუნებრივი ტექსტურები ჭარბობს. თითოეულ სართულზე, ლიფტის ჰოლში ან კორიდორში მოხვედრისას ექსტერიერის მწვანე კონცეფცია მუდმივი თანამგზავრია და დიდი ვიტრაჟების საშუალებით ერწყმის ინტერიერს.

„დომუსი იპოდრომი 3“, თამარაშვილის ქ. №13 – საცხოვრებელი კომპლექსი ქალაქის შუაგულში. 24 სართული, 89 აპარტამენტი. პროექტის ტერიტორია 21 000 კვ.მ. კომფორტული მდებარეობა; ორი სკვერი საერთო ფართით 11 000 კვ.მ.; დაცული ეზო; ეკოლოგიური გარემო; კალათბურთის და მინი ფეხბურთის კომბინირებული მოედანი; ველოსიპედის ბილიკი; გამაჯანსაღებელი სპა ცენტრი – საცურაო აუზი, ფიტნეს დარბაზი და კაფე.

„დომუსი გაზაფხული“, გაზაფხულის ქ. № 8 – 21 სართულიანი საცხოვრებელი კომპლექსი 2 სადარბაზოსგან შედგება, სადაც 230 ბინაა წარმოდგენილი. 2 სართული ეთმობა მიწისქვეშა პარკინგს, რომელიც 200-ზე მეტი ავტომობილისთვის არის გათვალისწინებული. პროექტი მოიცავს რეკრეაციულ სივრცეს, რომელიც 4000 კვ.მ. ფართობზეა. ეზოში, ბავშვებისთვის შემოქმედებითი ბაღი მოეწყობა. პროექტში განხორციელებული ინვესტიცია, მიმართულია ეკოლოგიურად სუფთა და მყუდრო განაშენიანების შექმნაზე. საგაზაფხულო განწყობას ინტერიერში მხატვარ მაია აბაშიძის ფერადი ნამუშევრები შექმნის.

ასევე, კომპანიის მიმდინარე პროექტებია „დომუსი ფალიაშვილის 114“, „დომუსი ჭავჭავაძის 29“ და „დომუსი იპოდრომი 2“.

რაც შეეხება „დომუსის“ დასრულებულ პროექტებს, ესენია: დომუსი ვაკის პარკი, დომუსი ჭავჭავაძის 47ა, დომუსი იპოდრომი, დომუსი ბაგები 2, დომუსი ფალიაშვილის 63, დომუსი მცხეთა, დომუსი რიგა, დომუსი კავსაძე, დომუსი ბაგები.

„მონოლით ჯგუფი“

მონოლით ჯგუფი სამშენებლო სფეროში 2013 წლიდან ოპერირებს. ქართულ სამშენებლო ბაზარზე კომპანიამ თავი დაიმკვიდრა, როგორც სანდო და მომხმარებლის მოთხოვნებზე მორგებულმა კომპანიამ. მონოლით ჯგუფი სამშენებლო, სარეკონსტრუქციო, სარესტავრაციო და სარემონტო სამუშაოების სრულ პაკეტს უზრუნველყოფს. მათი ხელმძღვანელობითა და თანამონაწილეობით არაერთი მრავალფუნქციური კომპლექსი, საცხოვრებელი სახლი და კულტურული მემკვიდრეობის ძეგლია აშენებული და აღდგენილი.

სამშენებლო კომპანიის პროექტებია: მონოლით გრინ სითი, მონოლით ბაგები, მონოლით რეზიდენს ორთაჭალა, მონოლით სითი, მონოლით ნუცუბიძე 1, მონოლით ნუცუბიძე 2, მონოლით ვარკეთილი. მონოლით ჯგუფში პროექტის განხორციელებისას იყენებს ენერგოეფექტურ ტექნოლოგიებს.

„ბლოქსი“

BLOX, საქართველოში 2016 წლიდან მუშაობს უძრავი ქონების განვითარების ბაზარზე და ყოველდღე ქმნის ახალ კომფორტულ ცხოვრების სტანდარტებს. მათი მთავარი პრიორიტეტია მომხმარებლების უსაფრთხო, ევროპული სტანდარტების, მწვანე და მშვიდ ადგილებში აშენებული საცხოვრებელი ფართებით უზრუნველყოფა. დეველოპერული კომპანია „ბლოქსი“ მოიცავს შემდეგ პროექტებს: ბლოქსი კრწანისი, ბლოქსი ავლაბარი, ბლოქსი ნუცუბიძე, ბლოქსი ბელიაშვილი. ამ სამშენებლო პროექტების ადგილმდებარეობის, მთავარ დამახასიათებელ ნიშან-თვისებებს კი ეკოლოგიურად სუფთა გარემო, გამწვანება, ისტორიული უბნები და საინვესტიციო მიმართულებით, სტრატეგიული მნიშვნელობის ტერიტორია წარმოადგენს.

„ოუშენ კაპიტალი“

„ოუშენ კაპიტალი“ ახორციელებს უმაღლესი ხარისხის, პრემიუმ კლასის უძრავი ქონების, როგორც საცხოვრებელი, ისე კომერციული დანიშნულების პროექტებს. ამჟამად კომპანია აშენებს რამოდენიმე მაღალი კლასის უძრავი ქონების პროექტს თბილისის, ვაკის რაიონში. „ოუშენ კაპიტალს“ გადაწყვეტილი აქვს გააგრძელოს ინვესტირება საქართველოში გრძელვადიანი პერსპექტივით. ოუშენ კაპიტალი (საქართველოში), ოუშენ კაპიტალ-ჰოლდინგის ნაწილია, რომელიც ნიდერლანდების, დიდი ბრიტანეთისა და შუა აღმოსავლეთის საინვესტიციო ჯგუფისგან შედგება. თითოეულ მათგანს აქვს 60 წელზე მეტი ოპერირების გამოცდილება: მშენებლობასა და სამშენებლო მასალების წარმოებაში, უძრავი ქონების (მსხვილი საცხოვრებელი, კომერციული შენობები და სასტუმროები) დეველოპმენტსა და მართვაში, როგორც აღმოსავლეთ, ისე დასავლეთ ევროპასა და აზიაში.

თბილისში ამ კომპანიის მიმდინარე პროექტებია: ოუშენ ვაკე რეზიდენსი, ოუშენ ვაკე პლაზა, ოუშენ ვაკე პარკი, ოუშენ სქაი რეზიდენსი.

„გუმბათი“

600 000 კვ.მ. აშენებული საცხოვრებელი და კომერციული ფართი – ეს კომპანია „გუმბათი ჯგუფია“, რომელმაც პოზიციონირება ბაზარზე 1998 წელს დაიწყო. ეს არის კომპანია, რომელმაც დიდი მასშტაბის მშენებლობა ბათუმში განახორციელა. „გუმბათი ჯგუფმა“ ააშენა 500.000 კვ.მ. კომერციული და საცხოვრებელი ფართი, ასევე 2 ოლიმპიური სტანდარტის სტადიონი.
კომპანიის მიერ განხორციელებული სამშენებლო პროექტებია: გუმბათი რეზიდენსი, ბულვარ ფოინთ, პორტლაინი გუმბათისგან, გუმბათი გორგასალზე, გუმბათი ხეივანში, გუმბათი თამარაშვილზე, ბულვარის კარიბჭე, გუმბათი ბაკურიანში, სუბტროპიკ სითი, გუმბათი გორგილაძეზე, გუმბათი ჭავჭავაძეზე.

„იქსორი დეველოპმენტი“

კომპანია X2 დეველოპმენტი 2014 წელს დაარსდა და მას შემდეგ ერთ-ერთი წამყვანი დეველოპერული კომპანიაა სამშენებლო ინდუსტრიაში. X2 დეველოპმენტი პირველი კომპანიაა, რომელმაც განახორციელა მაღალსართულიანი სახლების სახურავზე საცურაო აუზების მშენებლობა. კომპანია მშენებლობისას იყენებს ენერგოეფექტურ სამშენებლო მასალებს. მათი პროექტები ინდივიდუალური კონცეფციის შესაბამისად ითვალისწინებს როგორც ღია, ისე დახურულ ავტოსადგომებს, ასევე დამტენებს ელექტრო მობილებისთვის. დღეისათვის X2 დეველოპმენტს 4 დასრულებული და 5 მიმდინარე პროექტი გააჩნია თბილისსა და სხვა დიდ ქალაქებში. დასრულებული პროექტებია: BAKURIANI 4REST, SHARTAVA FUSION, SHARTAVA POOL HOUSE, X2 MTSKETADZE. მიმდინარე: ZENX DIGHOMI, KAZBEGI RESIDENCE, DIGHOMI RESIDENCE, TSERETELI DELUXE, VAKE PARKSIDE RESIDENCE.

„აპარტ დეველოპმენტი“

„აპარტ დეველოპმენტი“ – ეს სამშენებლო ბაზარზე წარმოდგენილი ახალი კომპანიაა, რომელიც 2023 წელს სამშენებლო მოცულობის 300%-იან ზრდას გეგმავს. კომპანიის თითოეული მიმდინარე თუ სამომავლო პროექტი გათვლილია დახვეწილ ექსტერიერზე, ეფექტურ შიდა დაგეგმარებასა და გამორჩეულ ლოკაციაზე. მათი მთავარი მიზანია ძველ თბილისს ახალი სიცოცხლე მიანიჭონ. ამ კომპანიის პრემიუმ კლასის საცხოვრებელი კომპლექსები კი ასე გამოიყურება: OLD CITY PANORAMA, OLD CITY PANORAMA II, EZO OLD TBILISI, TAGHI OLD TBILISI, APART LISI, BUKHAIDZE B1, BUKHAIDZE B2.