USD 2.7433
EUR 2.8862
RUB 2.7214
თბილისი
მრავალძარღვა - ბუნების სასწაული თქვენი ჯანმრთელობისთვის
თარიღი:  578

მრავალძარღვას სასარგებლო თვისებები ცნობილი იყო ჯერ კიდევ შუა საუკუნეებში. ავიცენამ გამოიყენა ამ მცენარის ფოთლები წყლულების და ანთების დროს სისხლდენის შესაჩერებლად. საქართველოში ყველგანაა გავრცელებული და მისი მოპოვება არანაირ სირთულეს არ წარმოადგენს. იშვიათია მცენარე, რომელიც ასე ფართოდ გამოიყენება სხვადასხვა დაავადების დროს. მას ბაბუაწვერას თვისებები თუ შეიძლება შევადაროთ.

მრავალძარღვას ფოთლები გამოიყენება სამკურნალო ნედლეულად. ძალიან ბევრი სამკურნალო ნაკრების შემადგენლობაში შედის. ზაფხულში აგროვებენ ისეთ სუფთა ადგილებში, სადაც ქიმიკატები და მძიმე მეტალებით დაბინძურებული ტერიტორია არაა. შემდეგ ახარისხებენ, რეცხავენ გამდინარე წყლით და აშრობენ ჩრდილში, მზის პირდაპირი სხვებისგან დაცულ ადგილას. თუ გინდათ, რომ მაქსიმალურად შეინარჩუნოს ხარისხი ნედლეულმა, ინახება ან ხის ყუთებში, ან ტილოს ტომსიკებში. მზა ნედლეულის შენახვა ასეთ პირბებში შეიძლება 3 წელი.

მრავალძარღვა ოფიციალურად არის აღიარებული, როგორც სამკურნალო საშუალება, ამიტომ მისი შეძენა საქართველოში ყველა აფთიაქშია შესაძლებელი. მრავალძარღვა, როგორც სამკურნალო საშუალება, გვხვდება სხვადასხვა ფორმით:

  • ნაყენი
  • წვენი;
  • ექსტრაქტი
  • მალამო
  • სიროფი ხველისთვის.

მრავალძარღვას ფოთლებს ასევე უმატებენ ვიტამინებით მდიდარ სალათებსა და გაზაფხულის სუპებს. კოსმეტოლოგიაში მისი სამკურნალო თვისებები გამოიყენება აკნეს, ნაოჭების, ცხიმიანი კანისა და ქერტლის მოსაშორებლად.

მრავალძარღვას ფოთლები შეიცავს აქტიური ნივთიერებების მდიდარ კომპლექსს, მათ შორის გლიკოზიდ აუკუბინს მოქმედების ფართო სპექტრით. ეს ნივთიერება დადებითად მოქმედებს კუჭ-ნაწლავის ტრაქტზე, აქვს ანტიმიკრობული, ანტისეპტიკური, ანტივირუსული, ანტისპაზმური, ანთების საწინააღმდეგო და დამამშვიდებელი თვისებები. ამიტომ მცენარის ფოთლებზე დაფუძნებული პრეპარატები ნორმალიზებენ კუჭისა და ნაწლავების მუშაობას და ეფექტურია გულ-სისხლძარღვთა და ნერვული სისტემის დაავადებების სამკურნალოდ.

გლიკოზიდ აუკუბინთან ერთად, მრავალძარღვას ფოთლები მდიდარია მიკროელემენტებით, როგორიცაა კალციუმი და მაგნიუმი, შეიცავს ფლავონოიდებს და საპონინებს, ტანინებს, K და U ვიტამინებს, კაროტინს და პექტინს, ასკორბინის, ლიმონის და ოლეანოლის მჟავებს. ამიტომ, მრავალძარღვას ფოთლები გამოიყენება კუჭის სეკრეციის გასაძლიერებლად.

მცენარეში შემავალი ლორწოვანი გარსი იცავს სასუნთქ გზებს, ათხელებს ლორწოს და ხსნის ანთებას. პექტინი იცავს კუჭს წყლულებისგან, ამცირებს ქოლესტერინს და, ზოგიერთ შემთხვევაში, ამცირებს არტერიულ წნევას.

მცენარის ფოთლების გამოყენება

მრავალძაღვა გამოიყენება როგორც ანტისპაზმური, მასტიმულირებელი და ამოსახველებელი საშუალება, ამიტომ იგი შედის მრავალ მცენარეულ საშუალებებში კუჭ-ნაწლავის ტრაქტისა და ბრონქების სეკრეტორულ-მოტორული ფუნქციის სტიმულირებისთვის.

ნედლი ფოთლებისგან გამოწურული წვენი, როგორც მატონიზირებელი საშუალება, გამოიყენება შარდის ბუშტის ანთების, ენურეზისა და იმპოტენციის დროს.

იმავე წვენი სხვა მცენარეებთან ნარევებში გამოიყენება პროსტატის ადენომის, მამაკაცის უნაყოფობისა და პროსტატიტის სამკურნალოდ.

ხალხურ მედიცინაში, მცენარეების ფოთლები, როგორც დამატებითი სამკურნალო საშუალება, ყველაზე ხშირად გამოიყენება შემდეგი პრობლემების დროს:

კუჭ-ნაწლავის ტრაქტის დაავადებების დროს

როგორც ზემოთ აღვნიშნეთ, მრავალძარღვას ფოთლებს შეუძლიათ გასტრიტის მკურნალობა, ასევე კუჭისა და თორმეტგოჯა ნაწლავის წყლულების, ენტეროკოლიტის და დაბალი მჟავიანობის მქონე გასტრიტის დროს. ამ მიზნით გამოიყენება წვენი, ინფუზიები და სიროფები.

სააფთიაქო წვენი კუჭ-ნაწლავის ტრაქტის დაავადებების დროს

როგორც ზემოთ აღვნიშნეთ, მრავალძარღვას ფოთლებს შეუძლიათ გასტრიტის განკურნება როგორც მაღალი, ასევე დაბალი მჟავიანობის დროს. ამისთვის სიროფი, რომელსაც შეიძლენთ აფთიაქში, უნდა გაზავდეს 50 მლ ადუღებულ წყალში.

მიიღება 1 ს.კ. კოვზი სამჯერ დღეში ჭამამდე 15-20 წუთით ადრე 30 დღის განმავლობაში.

როგორ მზადდება წვენი სახლის პირობებში  

გარეცხილ მრავალძარღვას ფოთლებს დაასხით მდუღარე წყალი, გაატარეთ ხორცსაკეპ მანქანაში და გამოწურეთ წვენი სქელი ქსოვილის დახმარებით. მიღებული წვენი უნდა განზავდეს ადუღებულ წყალში 1:1 თანაფარდობით. დუღილი არ უნდა გაგრძელდეს 3 წუთზე მეტხანს.

სამკურნალოდ მიიღება 1 ს.კ. კოვზი სამჯერ დღეში ჭამის წინ წყლით განზავების გარეშე. საჭიროების შემთხვევაში მისი გაყინვა შესაძლებელია საყინულეში ზამთრისთვის. კუჭ-ნაწლავის დაავადებების გარდა, ასეთი წვენი შესანიშნავი საშუალებაა გულის დაავადებების პროფილაქტიკისთვის, ეფექტურია ნევროზებისთვის, აქვს მატონიზირებელი თვისებები, ამცირებს ქოლესტერინს, არტერიულ წნევას და შეუძლია პათოგენური სტაფილოკოკის, ჰემოლიზური სტრეპტოკოკის და Pseudomonas aeruginosa-ს დათრგუნვა - გამრავლების შეჩერება. ამიტომ, გარეგანი დანიშნულებით ის გამოიყენება  ფურუნკულების, სისხლჩაქცევების, დერმატიტის და მწერების ნაკბენის შედეგების სამკურნალოდ.

ხველის დროს

მრავალძარღვას ფოთლების ცხელი ჩაი ზრდის სასუნთქი გზების აქტივობას, რაც ხელს უწყობს ნახველის გათხევადებას და ამოღებას. ასეთი ჩაი ძალიან სასარგებლოა, ბრონქიტის, ბრონქული ასთმის, ყივანახველა და ტუბერკულოზის დროსაც კი. ჩაის მოსამზადებლად 1 ს.კ. კოვზ მშრალ, დაქუცმაცებულ ფოთლებს ესხმევა ერთი ჭიქა მდუღარე წყალი, 15 წუღის შემდეგ გადაწურული მიიღება ჩაის სახით.

დიარეისთვის

მრავალძარღვას ფოთლები საიმედო საშუალებაა დიარეის დროს, რადგან მათ შემადგენლობაში შემავალი ნივთიერებები ამშვიდებს ნაწლავის კუნთებს და ამცირებს ტკივილს კრუნჩხვის დროს.  2 ს/კ  სუფრის კოვზი გამხმარი ფოთლები 1 ჭიქა მდუღარე წყალით უნდა წამოდუღდეს ორთქლის აბაზანაზე ნახევარი საათის განმავლობაში.  

ჭრილობების, დამწვრობის და ფურუნკულების სამკურნალოდ

მრავალძარღვას ფოთლების ანტიმიკრობული, ბაქტერიციდული და ჰემოსტატიკური თვისებები ყველასთვის ცნობილია. ჭრილობებზე მრავალძარღვას ნედლი ფოთლების დაფენა ძალიან სასარგებლოა, თუმცა, აუცილებელია, ფოთლები დაკრეფილი იყოს სუფთა ადგილას. წინააღმდეგ შემთხვევაში უკუეფექტი გარანტირებული.

კარგად გარეცხილი ახალი ფოთლები შეიძლება დაიჭრას და ჭრილობაზე დაეფინოს ფენა-ფენა დაზიანებულ კანზე. მისი გამოყენება შეიძლება დამწვრობის დროსაც, ოღონდ ბინტიანი სახვევი უნდა შეიცვალოს დღეში რამდენჯერმე.

მალამო ნაწიბუროვანი კანისთვის წყლულების დროს

ხმელი და დაფხვნილი ფოთლები შეურიეთ რამდენიმე წვეთ მცენარეულ ზეთს და ცვილს 1:9 თანაფარდობით.

დიაბეტისთვის

როგორც უნივერსალური სამკურნალო მცენარე, მრავალძარღვა შეიძლება ეფექტური იყოს დიაბეტთან დაკავშირებული საჭმლის მომნელებელი სისტემის დარღვევების სამკურნალოდ. ამისსთვის 2 ს.კ. კოვზ ფოთლებს დაასხით ჭიქა მდუღარე წყალი და გააჩერეთ წყლის აბაზანაში ნახევარი საათის განმავლობაში. დალიეთ ნახევარი ჭიქა გაციებული და გადაწურული ნაყენი ჭამამდე 15 წუთით ადრე დღეში 3-ჯერ.

მრავალძარღვას თესლის ჩენჩო - ნატურალური უჯრედისი

მრავალძარღვას თესლის ჩენჩო (Psillium husk) არის 100% ნატურალური უჯრედისი, თუმცა მისი გაცალკევება სახლის პირობებში რთულია. ამიტომ, იყიდება აფთიაქებში სხვადასხვა ფორმით - როგოrც ფხვნილის, ასევე კაფულირებული სახით.

ხელს უწყობს ნაწლავთა ბუნებრივი გაწმენდის პროცესს, გამოაქვს ტოქსინები ორგანიზმიდან, ამცირებს ქოლესტერინისა და გლუკოზის დონეს სისხლში და ინარჩუნებს ოპტიმალურ ნიშნულზე, ამცირებს მადას და ხელს უწყობს სხეულის მასის ნორმალიზებას.

ანალიტიკა
«Lauterbacher Anzeiger» (გერმანია): „საქართველო პუტინის ორბიტაზე გადადის: უშვებს თუ არა „შეცდომას“ ევროკავშირი?“

გერმანული გაზეთი „ლაუთერბახერ ანცეიგერი“ (Lauterbacher Anzeiger - იბეჭდება ჰესენის მხარეში) აქვეყნებს სტატიას სათაურით „საქართველო პუტინის ორბიტაზე გადადის: უშვებს თუ არა „შეცდომას“ ევროკავშირი?“ (ავტორი - ფლორიან ნაუმანი).

გთავაზობთ პუბლიკაციას შემოკლებით:

საქართველოში ჩატარებული არჩევნებიდან სამ კვირაზე მეტი გავიდა, მაგრამ ევროკავშირს ჯერ კიდევ არ აქვს გამოხატული მკაფიო პოზიცია და ამ ეტაპზე მხოლოდ განმარტებებს ითხოვს. ბრიუსელს ამისათვის საკმაო მიზეზები აქვ: არცევნებში რატომღაც მოულოდნელად გაიმარჯვა სულ უფრო ავტორიტარმა და პრორუსულად განწყობილმა პარტიამ „ქართულმა ოცნებამ“, რაც ბევრ კითხვას იწვევს. ოქტომბრის ბოლოდან ოპოზიცია არჩევნების დროს მომხდარი დარღვევების ფაქტებს აგროვებს, მაგრამ მნიშვნელოვანი კანონდარღვევების რაოდენობა, როგორც ჩანს, საკმარისი არ არის.

დებატები ევროპარლამენტში: საით მიდის საქართველო?

ამ კვირაში ევროპის პარლამენტში მიმდინარე დებატების დროს ორი მომენტი აშკარად გამოიკვეთა: პარლამენტართა ერთმა ნაწილმა ევროკავშირი ორმაგი პოლიტიკის გატარებაში  და არჩევნების შედეგების მხოლოდ პოლიტიკური ნიშნით შეფასებაში დაადანაშაულა, ხოლო მეორე ნაწილმა საქართველოს მთავრობის მიმართ უფრო ხისტი ზემოქმედება მოითხოვა. გადაწყვეტილება (ალბათ, სიმბოლური მნიშვნელობის მქონე) ჯერ მიღებული არ არის.

საბოლოო ჯამში, როგორც ჩანს, ამჟამად საკითხის აქტუალობა იმაშია, გადავა თუ არა  საქართველო რუსეთის ორბიტაზე და გახდება თუ არა მისი თანამგზავრი - მიუხედავად იმისა, რომ მოსახლეობას ევროპული ორიენტაცია აქვს. ასევე მნიშვნელოვანია დადგინდეს - იყო თუ არა არჩევნები დემოკრატიული და სამართლიანი.

გერმანიის „მწვანეთა“ პარტიის წარმომადგენელი სერგეი ლაგოდინსკი და ესტონელი სოციალ-დემოკრატი მარინა კალიურანდი ჯერ კიდევ არ არიან დარწმუნებულები იმაში, რომ საქართველოში არჩევნები გაყალბდა. ყოველ შემთხვევაში, ისინი დამადასტურებელ ფაქტებს ვერ ხედავენ. ორივე პოლიტიკოსი ევროპარლამენტის დელეგაციის - „ევრონესტის“ წევრები არიან, რომელთა მოვალებაშია ურთიერთობა და აზრთა გაცვლა-გამოცვლა ჰქონდეთ ისეთ ქვეყნებთან, როგორებიცაა საქართველო, მოლდოვა, უკრაინა და სომხეთი. სერგეი ლაგოდინსკი, თავის მხრივ, „ევრონესტის“ თავმჯდომარეა.

თბილისი მოსკოვსა და ბრიუსელს შორის

„საქართველო და მოლდოვა ჭადრაკის ფიგურები არ არიან, რომ ჩვენ ისინი დაფაზე გადავაადგილოთ. ისინი სახელმწიფოებს წარმოადგენენ და მათ თავიანთი მომავალი აქვთ“, - ამბობს სერგეი ლაგოდინსკი, რომელსაც მხედველობაში აქვს ორივე ქვეყანაში ჩატარებული არჩევნები. თუმცა იგი ყურადღება ასევე ამახვილებს სავარაუდო გაყალბებაზეც და აღნიშნავს, რომ არსებობს არგუმენტები განმეორებითი არჩევნების ჩასატარებლად.

 „პირადად ჩემთვის საკითხი ასე გამოიხატება: რა უნდა ვუქნათ იმ პარტიას, რომელიც ანტიკონსტიტუციურ პოლიტიკას ატარებს? საქართველოს ძირითად კანონში ჩაწერილია, რომ ქვეყნის მიზანს ევროკავშირთან ინტეგრაცია წარმოადგენს“, - აცხადებს სერგეი ლაგოდინსკი. მმართველი პარტია „ქართული ოცნება“ სიტყვით ოფიციალურად ადასტურებს, რომ მისი მიზანი 2030 წლისათვის ევროკავშირში გაწევრიანებაა, მაგრამ საქმით მთავრობამ უკვე დიდი ხნის გადაუხვია ევროკავშირისაკენ მიმავალი გზიდან, როცა პრორუსული კანონები მიიღო, ბრიუსელის გაფრთხილებისა და საპროტესტო აქციების მიუხედავად. „ვფიქრობ, მართლაც გონივრული იქნებოდა არჩევნების განმეორებით ჩატარება - უბრალოდ, საზოგადოება რომ სიმართლეში დარწმუნდეს“, - ამბობს სერგეი ლაგოდინსკი, - ნებისმიერ შემთხვევაში, თუ დამტკიცდება, რომ მანიპულაციები მართლაც მოხდა, ახალი არჩევნების ჩატარება აუცილებელია, თანაც საერთაშორისო კონტროლით“.

მარინა კალიურანდსაც ასეთივე თავალსაზრისი აქვს: „უნდა დაველოდოთ განმარტებებს [და სასამართლოს გადაწყვეტილებებს], სპეკულირება არ უნდა მოხდეს... მაგრამ თუ დამტკიცდება, რომ არჩევნები იმაზე უარესად ჩატარდა, როგორც ამას ეუთოს დამკვირვებლები აღწერენ, მაშინ ჩვენ მკაფიო რეაგირება უნდა მოვახდინოთ“. აღსანიშნავია, რომ ეუთოს მისიამ დაგმო ცალკეული დარღვევები, მიუთითა მთავრობისა და ოპოზიციის არათანაბარ პირობებზე, მაგრამ არჩევნებში მასშტაბური ფალსიფიცირება არ დაუფიქსირებია.

„ეუთოს მისიამ 2020 წლის არჩევნებიც დაახასიათა როგორც კონკურენტული და კარგად ორგანიზებული“, - ამბობს მარინა კალიურანდი, რომელიც ადრე ესტონეთის საგარეო საქმეთა მინისტრი იყო, მანამდე კი ესტონეთის ელჩი რუსეთში, - „თუმცა ასეთი დახასიათება დემოკრატიული ქვეყნისათვის საკმარისი არ არის. ჩვენ ყველას გვსურს, რომ არჩევნები გამჭვირვალე და პატიოსნად ჩატარდეს“. მისი თქმით, საქართველოსთვის კანდიდატის სტატუსის გაუქმება ლოგიკური იქნება, თუ ქვეყანა თამაშის წესებს არ დაიცავს.

განხეთქილება ევროპარლამენტის მემარჯვენეთა ბანაკში

სერგეი ლაგოდინსკის თქმით, საქართველოს ახალგაზრდა იურისთა ასოციაცია თვლის, რომ არჩევნებში მრავალი დარღვევა მოხდა. „თუ გავითვალისწინებთ იმას, რომ ასოციაციის წევრები ობიექტურად აფქსირებდნენ დარღვევებს მიხეილ სააკაშვილის მმართველობის დროსაც, მაშინ მათი პოზიცია პოლიტიკურად მიუკერძოებლად  უნდა ჩაითვალოს. ეს სერიოზული არგუმენტია“, - ამბობს მწვანეთა პარტიის წარმომადგენელი.

დღემდე ევროკავშირს თავისი მტკიცე პოზიცია დაფიქსირებული არ აქვს. „ალბათ, ეს იმას უკავშირდება, რომ ჯერ-ჯერობით მოსმენები კომისიებში ისევ მიმდინარეობს... საბოლოო ჯამში გადაწყვეტილების მიღება ევროკავშირის წევრი ქვეყნების ნებაზეა დამოკიდებული. ამჟამად რაიმე კონფრონტაცია არ შეიმჩნევა“, - აცხადებს სერგეი ლაგოდინსკი.

ევროპარლამენტში 13 ნოემბერს დებატების დროს აზრდტა სხვადასხვაობა დაფიქსირდა აღმოსავლეთევროპელ მემარჯვენეთა შორის. უნგრელი პოლიტიკოსის ანდრაშ ლასლოს აზრით, საქართველოს მთავრობა ევროკავშირის კურსის ერთგულია და რომ არჩევნების შედეგები ევროკავშირმა უნდა აღიაროს. პოლონელმა მალგოჟატა ჰოსევსკამ ყოფილი მმართველი პარტიიდან „კანონი და სამართლიანობა“, პირიქით, განაცხადა, რომ „საქართველოს ხელისუფლებაში არის პიროვნება, რომელსაც [რუსეთთან] გაურკვეველი კავშირები აქვს“ (იგულისხმება ბიძინა ივანიშვილი). პოლონელმა დეპუტატმა ევროკავშირს მოუწოდა, რომ „საქართველოს მმართველი რეჟიმის ირგვლივ სანიტარული კორდონი უნდა შეიქმნას“.

წყარო: https://www.lauterbacher-anzeiger.de/politik/georgien-rueckt-in-putins-umlaufbahn-begehen-die-eu-einen-error-zr-93415845.html

 

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.