27 ნოემბერს, მცხეთაში ქართლის მოქცევის 1700 წლის იუბილესადმი მიძღვნილი საღამო ჩატარდება. მუსიკალურ ღონისძიებაში მონაწილეობას მიიღებენ: ნატო მეტონიძე, თეატრალურის კვარტეტი, ანსამბლი “მარგალიტი”, აჩიკო ნიჟარაძე. საღამოს გაუძღვებიან: კახა მიქიაშვილი და ნინო თარხან-მოურავი.

საიუბილეო ღონისძიება მცხეთის კულტურისა და განათლების ცენტრში ჩატარდება და მასზე დასწრება თავისუფალია. ნებისმიერ ადამიანს, ვისთვისაც ეს თარიღი მნიშვნელოვანია, შეუძლია მივიდეს და ქართული სიმღერით დატკბეს.

შეგახსენებთ, რომ საქართველო 2026 წელს ქართლის მოქცევის 1700 წლის იუბილეს აღნიშნავს. სპეციალურად საიუბილეო თარიღებთან დაკავშირებით ჩვენი ქვეყნის მეცნიერებისა და კულტურის მოღვაწეთა ინიციატივით შეიქმნა საზოგადოებრივი მოძრაობა „ის, რაც გვაერთიანებს“. მოძრაობის მიზანია საქართველოს თითოეულმა მოქალაქემ გააცნობიეროს ჩვენი ქვეყნისათვის ამ თარიღის გამორჩეული მნიშვნელობა და განიცადოს პირადი პასუხისმგებლობა, საიუბილეო წლის ღირსეულად აღნიშვნის გამო.

ინი­ცი­ა­ტი­ვის მთა­ვა­რი გზავ­ნი­ლია: „გა­ვიხ­სე­ნოთ ის, რაც გვა­ერ­თი­ა­ნებს - ჩვე­ნი მდი­და­რი და უნი­კა­ლუ­რი ის­ტო­რი­უ­ლი და კულ­ტუ­რუ­ლი მემ­კვიდ­რე­ო­ბა და გან­ვამ­ტკი­ცოთ ეროვ­ნუ­ლი თვითმყო­ფა­დო­ბა“.

სწო­რედ ამ მიზ­ნით რამ­დე­ნი­მე შეხ­ვედ­რა უკვე ჩა­ტარ­და. მას სა­ზო­გა­დო­ე­ბის სხვა­დას­ხვა წრის წარ­მო­მად­გენ­ლე­ბი ეს­წრე­ბოდ­ნენ. სა­ი­ნი­ცი­ა­ტი­ვო ჯგუ­ფის მიერ ორ­გა­ნი­ზე­ბუ­ლი შეხ­ვედ­რე­ბი და ღო­ნის­ძი­ე­ბე­ბი წლის ბო­ლომ­დე გაგ­რძელ­დე­ბა სა­ქარ­თვე­ლოს მას­შტა­ბით. სა­ი­უ­ბი­ლეო ღო­ნის­ძი­ე­ბე­ბი შე­იძ­ლე­ბა და­ი­გეგ­მოს, რო­გორც სა­ხელ­მწი­ფო, ისე კერ­ძო და­წე­სე­ბუ­ლე­ბებ­ში, თა­ნამ­შრო­მელ­თა ერ­თობ­ლი­ვი სურ­ვი­ლის შემ­თხვე­ვა­ში.

შეგახსენებთ, რომ მუსიკალური საღამო 27 ნოემბერს 18:00 საათზე გაიმართება. კულტურისა და განათლების ცენტრის მისამართია: მცხეთა, სამხედროს ქ.#9.