,
მიანმარში ძლიერი მიწისძვრის შედეგად, სულ მცირე, 144 ადამიანი დაიღუპა, ხოლო 732 - დაშავდა. ინფორმაციას ამის შესახებ სააგენტო Reuters-ი ადგილობრივ მედიაზე დაყრდნობით ავრცელებს.
ქვეყნის სამხედრო მეთაურმა, მინ აუნ ჰლაინმა განაცხადა, რომ მსხვერპლი გაიზრდება.
„საგანგებო მდგომარეობა გამოვაცხადე და საერთაშორისო დახმარება მოვითხოვე“, - აღნიშნა მან.
მიანმარში 7.7 მაგნიტუდის მიწისძვრა მოხდა. მიწისძვრის ეპიცენტრი ქალაქ სიკაინის ჩრდილოეთით, 16 კილომეტრში მდებარეობდა.
ძლიერი მიწისქვეშა ბიძგები ჩინეთსა და ტაილანდის დედაქალაქ ბანგკოკში იგრძნობოდა
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
