,
თუ მებაღეობასთან მცირე შეხება მაინც გქონიათ, ალბათ, თავადაც გაიგებდით, რამხელა შრომა იმალება ლამაზი ყვავილების ბუჩქების მიღმა. ერთი მხრივ, თერაპიაც კია, მაგრამ მრავალკულტურული ბაღები, სადაც განსხვავებულ მცენარეებს ვხვდებით, ძალიან შრომატევადია… აქ კი ერთი კარგი ამბავი გვაქვს — სულ ახლახან UC Berkeley-მ AlphaGarden წარმოადგინა, მაღალტექნოლოგიური AI მცენარეების ეკოსისტემა, რომელსაც მრავალკულტურული ბაღის გაშენება ისე კარგად შეუძლია, როგორც ადამიანებს. თუმცა როგორც გვეუბნებიან, ზოგიერთ შემთხვევაში რობოტი ამ საქმეში ჩვენზე უკეთესიც კია.
შესაძლოა, AlphaGarden-ში საყვარელი მებაღე რობოტის ნახვას მოელოდეთ, თუმცა აქ ცოტა იმედი უნდა გაგიცრუოთ, რადგან იგი უფრო მეტად ამწეს მსგავს მექანიზმს მოგაგონებთ… საინტერესოა ისიც, რომ UC Berkeley-ს ბაღის ნაკვეთი AlphaGardenSim-ს მოიცავდა, AI პროგრამას, რომელსაც ნიადაგის ტენიანობის საზომი სენსორების გარდა, მაღალი რეზოლუციის კამერაც აქვს. დეველოპერებმა ავტომატური წვეთოვანი მორწყვა, მცენარეების გასხვლა და დათესვაც კი შესაძლებელი გახადეს.
ხოლო იმისათვის, რომ მებაღეობაში რობოტისა და ადამიანების უნარები შეედარებინათ, მკვლევრებმა ორ ბაღში თანაბარი ოდენობის მცენარეები დარგეს. AlphaGarden-მა მცენარეებს უფრო სწრაფად გაზრდის საშუალება მისცა…
ახლა კი ზუსტად იმ საკითხზე გადავიდეთ, რომელშიც რობოტმა ადამიანს აჯობა — ორ სატესტო პერიოდში რობოტის სისტემამ წყლის მოხმარება 44%-ით შეამცირა. როგორც გვეუბნებიან, ეს ორ თვეში რამდენიმე ასეული ლიტრი წყლის დაზოგვას ნიშნავს… და თუ გავითვალისწინებთ იმას, რომ სამყაროში უამრავი ადამიანი დგას წყლის პრობლემის წინაშე, ნამდვილად სასიამოვნოა, წყლის რესურსების დასაზოგად დღეს დეველოპერებიც რომ მუშაობენ…
რობოტის სისტემის ეფექტურობაში, ალბათ, თავადაც დარწმუნდით, მაგრამ როგორც ამბობენ, ამ კუთხით ჯერ კიდევ ბევრი საკითხი უნდა შეისწავლონ, თუნდაც, ხელოვნური სინათლის წყაროების კუთხით. ამასთან, განსხვავებული კულტურების მქონე ბაღებს, შესაძლოა, განსხვავებული საჭიროებების გარდა, სხვადასხვა ზომისა და ფორმის რობოტები დასჭირდეს…
აშშ-ის პრეზიდენტი დონალდ ტრამპი ირანთან დაკავშირებით აშშ-ის მოსახლეობას მიმართავს, - ინფორმაციას თეთრი სახლის პრესსპიკერი, კეროლაინ ლევიტი ავრცელებს.
„ხვალ საღამოს 9 საათზე (თბილისის დროით ხუთშაბათი, 5:00 საათი), პრეზიდენტი ტრამპი ერს მიმართავს, რათა მათ მნიშვნელოვანი სიახლე გააცნოს“, - წერს ლევიტი X-ზე.
მანამდე, აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა, რომ ირანის წინააღმდეგ ომი, ძალიან მალე დასრულდება.
„ძალიან მალე დავტოვებთ. ვიტყოდი, რომ შესაძლოა ორ კვირაში. ორ კვირაში, შესაძლოა სამ კვირაში. რეჟიმის შეცვლა მოგვიწია. რეჟიმის შეცვლა არ იყო ერთ-ერთი იმ მიზნებს შორის, რაც მე მქონდა. მე მქონდა ერთი მიზანი: მათ არ ჰქონოდათ ბირთვული იარაღი და ეს მიზანი მიღწეულია. მათ არ ექნებათ ბირთვული იარაღი. მაგრამ ვასრულებთ სამუშაოს და ვფიქრობ, შესაძლოა ორ კვირაში, შესაძლოა კიდევ რამდენიმე დღეში, შევასრულოთ ეს სამუშაო. მაგრამ გვინდა, რომ გავანადგუროთ ყველაფერი, რაც მათ აქვთ“, - განაცხადა ტრამპმა.
