,
კომპანია Meta-ს დამფუძნებელმა და აღმასრულებელმა დირექტორმა, მარკ ცუკერბერგმა ჯო როგანთან პოდკასტში ფაქტების გადამოწმების პროგრამა ჯორჯ ორუელის „1984“-ს შეადარა.
„ვფიქრობ, ხალხი უბრალოდ გრძნობდა, რომ ფაქტჩეკერები ზედმეტად მიკერძოებულნი იყვნენ“, - განაცხადა მარკ ცუკერბერგმა.
„ასე რომ, ვფიქრობ, ამ ყველაფრის შემდეგ, ეს არის რაღაც ისეთი, როგორიც არის „1984“. ეს ანგრევს ნდობას, განსაკუთრებით შეერთებულ შტატებში“, - აღნიშნა მან.
კომპანია Meta-მ სამშაბათს ფაქტების გადამოწმების პროგრამას შეწყვიტა და თავის პლატფორმებზე, Facebook-სა და Instagram-ზე სიტყვის თავისუფლებაზე დაწესებული შეზღუდვები გააუქმა.
ფაქტების შემოწმების პროგრამა Meta-მ 2016 წელს აშშ-ის არჩევნების შემდეგ შემოიღო და კონტენტის მართვისა და დეზინფორმაციის საწინააღმდეგოდ გამოიყენებოდა. თუმცა, მოგვიანებით, კომპანიის მესვეურებმა განაცხადეს, რომ ეს სისტემა „პოლიტიკური ზეწოლის“ გამო შემოიღეს და ის ძალიან შორს წავიდა.
კომპანია Meta-მ დაასრულა მრავალფეროვნების, თანასწორობისა და ჩართულობის (DEI) პროგრამები. ინფორმაციას ამის შესახებ Fox News-ი ავრცელებს.
კომპანიამ თანამშრომლებს განუცხადა, რომ „სამართლებრივი და პოლიტიკის ლანდშაფტი მრავალფეროვნების, თანასწორობისა და ჩართულობის ძალისხმევის გარშემო იცვლება“.
მანამდე უმსხვილესმა ამერიკულმა კვების კომპანია „მაკდონალდსმა“ ოთხი წლის შემდეგ მრავალფეროვნების პოლიტიკის გაგრძელებაზე უარი განაცხადა.
როგორც „მაკდონალდსის“ მიერ გავრცელებულ განცხადებაშია აღნიშნული, ის მრავალფეროვნების პოპულარიზაციაზე უარს იტყვის კომპანიის უმაღლესი რგოლის დონეზე. ეს პროგრამა შეჩერდება კვების ობიექტების მიმწოდებლებისთვისაც, რომლებსაც ადრე კომპანია უმცირესობების დასაქმებისკენ მოუწოდებდა.
