,
ქალაქ მარიუპოლის მცველების მიმართ გაცემულია ბრძანება შეინარჩუნონ სიცოცხლე, - ამის შესახებ უკრაინის თავდაცვის მინისტრმა ალექსეი რეზნიკოვმა განაცხადა.
მინისტრის თქმით, ბრძანება - შეეჩერებინათ რუსი დამპყრობლების 20 ათასი სამხედროსგან შემდგარი ჯგუფი, არ გაეშვათ ისინი ზაპოროჟიესკენ, არ გაეშვათ უფრო შორს დონბასში და ძალები კიევიდან მათი მიმართულებით გაეტყუებინათ - შესრულებულია და ქალაქის ყველა მცველი გმირია.
„ახლა მათ ახალი ბრძანება აქვთ - შეინარჩუნოთ თავიანთი სიცოცხლე, ისინი უკრაინას სჭირდებიან. ეს მთავარია“,- განაცხადა რეზნიკოვმა.
მისივე განმარტებით, დღეს მიმდინარეობს ძალიან რთული და მნიშვნელოვანი პროცესები, მათ შორის მოლაპარაკებები წითელი ჯვრის დახმარებით.
„შედეგად, ეს არის მძიმედ დაჭრილების და დაჭრილების ევაკუაცია. ჩვენი მიზანია მათი სიცოცხლის შენარჩუნება და შემდეგ - თავისუფლების“,- განაცხადა რეზნიკოვმა.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
