,
აბსოლუტურად მიუღებელია სიტუაციის მოდელირება შიგნიდან ე.წ. არასამთავრობო ორგანიზაციების მეშვეობით - ეს არის ის, რის გაკეთებასაც აშშ ცდილობს საქართველოში, - რუსული მედიის ინფორმაციით, ამის შესახებ რუსეთის საგარეო საქმეთა სამინისტროს წარმომადგენელმა მარია ზახაროვამ განაცხადა.
მისი თქმით, იმის მნიშვნელოვანი ნაწილი, რაც საქართველოში ხდება, პირდაპირ გარედან არის მიმართული.
„დასავლეთი საქართველოს განიხილავს როგორც თავისი ექსკლუზიური ინტერესების სფეროს, საკუთარ თავს უფლებას აძლევს უგულებელყოს ამ სახელმწიფოს სუვერენიტეტი მისი ინტერესების რეალიზაციის მიზნით“, - აცხადებს ზახაროვა.
ამასთან, როგორც მან აღნიშნა, „ბოლო წლებში ბევრი უკვე ხედავს და ესმის დასავლეთის მეთოდოლოგიას და გააჩნიათ გარკვეული იმუნიტეტი დასავლეთისთვის წინააღმდეგობის გასაწევად“.
