,
„ქართულმა ოცნებამ“ პანდემია ვერ მართა და მოაწყო ქართველი ხალხის გენოციდი. ყოველდღე ვკარგავთ 50 ადამიანს, რაც არის არაკომპეტენტურობის, უცოდინარობის და არაპრინციპულობის ბრალი, - ამის შესახებ „ლელო საქართველოსთვის“ ლიდერმა მამუკა ხაზარაძემ კოვიდსტატისტიკაზე საუბრისას განაცხადა.
ხაზარაძის შეფასებით, თუ „სასწრაფოდ ხმა არ ამოვიღეთ და არ ვუშველეთ, ამ სიტუაციას ვერაფერი შემოატრიალებს“.
,,ამ აურზაურში დაგვავიწყდა ყველაზე დიდი პრობლემა, რომელიც ადამიანის სიცოცხლეს ეხება. „ქართულმა ოცნებამ“ იმით, რომ პანდემია ვერ მართა, მოაწყო ქართველი ხალხის გენოციდი. ყოველდღე ვკარგავთ 50 ადამიანს, რაც არის არაკომპეტენტურობის, უცოდინარობის და არაპრინციპულობის ბრალი. თუ სასწრაფოდ ხმა არ ამოვიღეთ და არ ვუშველეთ, ამ სიტუაციას ვერაფერი შემოატრიალებს“, - აღნიშნა მამუკა ხაზარაძემ.
ის ასევე გამოეხმაურა ჟურნალისტების შეკითხვას ადგილობრივი თვითმმართველობის არჩევნებთან დაკავშირებით. ხაზარაძის შეფასებით, არჩევნები მოტყუებით და ხმების ტოტალური მოპარვის პირობებში ჩატარდა.
,,ბათუმში 900 ბიულეტენი გაუქმდა და 15 ხმა დააკლდა ჩვენს მაჟორიტარ კანდიდატს, რომ გადასულიყო მეორე ტურში. არ მოგვცეს საშუალება გადათვლილიყო ეს ყველაფერი. საბურთალოზე ვატო სურგულაძემ 9 ხმა მიიღო და აღმოჩნდა, რომ 115 ხმა მოპარეს. ეს ორი მაგალითი საკმარისია იმის სათქმელად, რომ ამ ქვეყანაში არჩევნები ყალბდება და ამ გაყალბებას იწვევს „ქართული ოცნება“, - აღნიშნა მამუკა ხაზარაძემ.
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
