,
ეტყობა, სიმართლე მოხვდა გულზე გიორგი ვოლსკის, - ამის შესახებ ჟურნალისტებთან "ლელოს" ლიდერმა მამუკა ხაზარაძემ განაცხადა, რითაც სხდომათა დარბაზში მასსა და გიორგი ვოლსკის შორის სიტყვიერ დაპირისპირებას გამოეხმაურა.
"უკვე მესამე წელია ჩემზე, ბადრი ჯაფარიძეზე და ავთო წერეთელზე მიმდინარეობს ორკესტრირებული სახელმწიფო რეკეტი და ეს ხდება ძალიან შეთანხმებულად პროკურატურასთან, სასამართლოსთან, არაერთი თავდასხმა და ბრალდება იყო დეპუტატების მხრიდან პირდაპირ ეთერებში, თითქოს პროკურორები გველაპარაკებოდნენ. ერთ- ერთი ასეთი გამოსვლა იყო გიორგი ვოლსკის, რომელმაც ჩვენ დაგვადანაშაულა თანხის მითვისებაში, ამის გამო, მე და ბადრი ჯაფარიძემ შევიტანეთ სარჩელი სასამართლოში და უკვე გავიდა ორი წელი და არცერთი სასამართლო სხდომა არ ჩანიშნულა, როცა 1 წლის წინ, 12 წლის წინანდელ საქმეზე, სადაც არც ბრალდებულია და არც დაზარალებული, თითქმის ყოველ მეორე დღეს გვიბარებდნენ სასამართლოში. ეტყობა, ეს სიმართლე მოხვდა (გულზე) გიორგი ვოლსკის, რადგან ეს სასამართლო არის მართული და კლანური, უნდოდა თავი ემართლებინა, მაგრამ ფაქტი არის ჯიუტი, როცა მათი საქმეა, ამას დებენ თაროზე და ზრდილობის გულისთვის სხდომასაც არ ნიშნავენ და როცა მიზანში ჰყავთ ამოღებული ადამიანები, ამ შემთხვევაში ჩვენ, ყველაფერს აკეთებენ", - განაცხადა ხაზარაძემ.
ვიცე-სპიკერ გია ვოლსკისა და მამუკა ხაზარაძეს შორის სიტყვიერი დაპირისპირება მას შემდეგ დაიწყო, რაც გია ვოლსკიმ ტრიბუნასთან სიტყვის გამოსვლის დროს მის წინააღმდეგ ბადრი ჯაფარიძის მიერ შეტანილი სარჩელის შესახებ დაიწო საუბარი. ვოლსკის გამოსვლას დარბაზში ჯერ მამუკა ხაზარაძის, შემდეგ კი ბადრი ჯაფარიძის მხრიდან გამოხმაურება მოჰყვა. ვოლსკიმ ხაზარაძეს და ბადრი ჯაფარიძეს მიმართა და განაცხადა, რომ ისინი დამნაშავეებად არ გამოუცხადებია და უბრალოდ თქვა, რომ მათ კითხვებზე პასუხები აქვთ გასაცემი.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
