,
მეცნიერებმა სიკვდილის კალკულატორი შექმნეს, რომელსაც შეუძლია წინასწარ განსაზღვროს, როდის და როგორ მოკვდება ადამიანი. კალკულატორი, სახელად, life2vec ადამიანის ცხოვრების შესახებ არსებული მონაცემებით ხელმძღვანელობს და მისი პროგნოზების სიზუსტე 80 პროცენტია.
ჩატბოტი 2008 წლიდან 2016 წლამდე, დანიის 6 მილიონი მოქალაქის პირადი მონაცემების დამუშავების პროცესში გაწვრთნეს.
დანიის ტექნიკური უნივერსიტეტის მკვლევრებმა 35-იდან 60 წლამდე ასაკის ადამიანების მონაცემები შეკრიბეს, რომელთაგან ნახევარი 2016-2020 წლებში გარდაიცვალა.
მათ ხელოვნურ ინტელექტს სთხოვეს, წინასწარ განესაზღვრა, ვინ იცოცხლებდა და ვინ არა. საბოლოოდ, პროგნოზების სიზუსტემ 79 პროცენტს მიაღწია. ეს 11%-ით უფრო ზუსტია, ვიდრე ხელოვნური ინტელექტის ნებისმიერი სხვა მოდელი ან ის მოდელი, რომელსაც სადაზღვევო კომპანიები იყენებენ.
უახლოეს ხანებში ხელოვნური ინტელექტი შეძლებს, ზუსტად იწინასწარმეტყველოს ისეთი ფაქტორები, როგორიცაა სიკვდილის მიზეზი და დრო.
კვლევის ავტორის, სუნე ლემანის თქმით, „life2vec“ მოდელი ChatGPT-ის მსგავსი ტექნოლოგიის გამოყენებით აანალიზებს ადამიანის ცხოვრებას და წარმოადგენს მას, როგორც მოვლენათა თანმიმდევრობას.
როგორც ავტორები ამბობენ, სიკვდილის კალკულატორი გვაწვდის შეფასებებს და არა ზუსტ პროგნოზებს ჩვენი სიცოცხლის ხანგრძლივობის შესახებ და ეს შეიძლება სასარგებლო იყოს ჩვენი ჩვევების კორექტირებისთვის და ცხოვრების ჯანსაღ წესზე გადასვლისთვის.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
