,
აშშ-ის სახელმწიფო მდივნის, მაიკ პომპეოს განცხადებით, შეერთებული შტატები „ღრმად არის შეშფოთებული“ ხმელთაშუა ზღვის აღმოსავლეთში თურქეთის ქმედებების გამო. ამის შესახებ პომპეომ კვიპროსში ვიზიტისას განაცხადა.
„ჩვენ ღრმად ვართ შეშფოთებული თურქეთის მიმდინარე ოპერაციებით ბუნებრივი რესურსების ძიების მხრივ იმ ტერიტორიებში, რომლებიც ხმელთაშუა ზღვაში საბერძნეთისა და კვიპროსის იურისდიქციას წარმოადგენს. ამ რეგიონის ქვეყნებმა უსაფრთხოებასთან და ენერგორესურსებთან დაკავშირებული უთანხმოება დიპლომატიური გზით, მშვიდობიანად უნდა მოაგვარონ“, - განაცხადა პომპეომ.
მისივე თქმით აშშ და კვიპროსი აძლიერებენ თანამშრომლობას უსაფრთხოების კუთხით, ამასთან ვაშინგტონი კვიპროსში ახალ სასწავლო ცენტრს ააშენებს.
შეგახსენებთ, თურქეთთან ურთიერთობა მას შემდეგ დაიძაბა, რაც ანკარამ ხმელთაშუა ზღვის აღმოსავლეთ ნაწილში გაზისა და ნავთობის საძიებო სამუშაოები გაააქტიურა. აღნიშნულ ტერიტორიებზე პრეტენზიას აცხადებენ საბერძნეთი და კვიპროსი. მათ მხარს უჭერს ევროკავშირი.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
