,
მილიარდერი მაიკ ბლუმბერგი ფლორიდაში დემოკრატ ჯო ბაიდენის საარჩევნო კამპანიის მხარდასაჭერად 100 მილიონ დოლარს დახარჯავს. ამის შესახებ BBC წერს.
გამოცემის ინფორმაციით, ბლუმბერგის წარმომადგენლები აცხადებენ, რომ ბლუმბერგს ძალიან უნდა აშშ-ის მოქმედი პრეზიდენტის, დონალდ ტრამპის დამარცხებაში წვლილი შეიტანოს. თანხის ნაწილი ინგლისურ და ესპანურ ენებზე ტელერეკლამას მოხმარდება, ლათინოამერიკელი ამომრჩევლების მხარდაჭერის მოსაპოვებლად.
ფლორიდა ერთ-ერთი მერყევი შტატია. კანდიდატებს იქ 29 ელექტორალური ხმის მოპოვება შეუძლიათ. უფრო მეტი მხოლოდ კალიფორნიაში (55) და ტეხასშია (38). 2016 წლის არჩევნებში ფლორიდაში გამარჯვება ტრამპმა მოიპოვა, 2012 წელს კი ბარაკ ობამამ.
მაიკ ბლუმბერგს თავად იბრძოდა პრეზიდენტობის კანდიდატობისთვის დემოკრატიული პარტიიდან, თუმცა კამპანიას მარტის დასაწყისში გამოეთიშა.
საპრეზიდენტო არჩევნები აშშ-ში 3 ნოემბერს ჩატარდება.
წყარო:https://www.bbc.com/
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
