USD 2.6978
EUR 2.9112
RUB 2.9177
თბილისი
მაია ჩიკვილაძე- საფრანგეთში მცხოვრები ქართველი ნევროლოგი
თარიღი:  832

საქართველოს სიყვარულით დამუხტულს ბევრი პროექტი და ოცნება მქონდა. ჩემი მთავარი სურვილი ადამიანების შეცნობა იყო. 1989 წელს პოლიტექნიკურ ინსტიტუტში ბიოტექნოლოგიებზე ჩაბარება გადავწყვიტე, მაგრამ გამოცდები წარუმატებლად გავიარე და არჩევანი სამედიცინო ფაკულტეტზე შევაჩერე: ვიფიქრე, რომ აქ გამოვიცნობდი ადამიანებს. ჩემმა ოჯახმა ჩემი დაიჯერა, რამაც მომცა თავისუფლება. მათი რწმენა დღესაც მაძლევს ძალას. 1990 წელს სამკურნალო ფაკულტეტის სტუდენტი გავხდი. შემდეგ დაიწყო 90-იანი წლები…1995 წელს ჟან ვანიესთან შეხვედრამ ჩემი ცხოვრების გზა რადიკალურად შეცვალა...


საქართველო 25 წლის წინ დავტოვე, 20 წელია, რაც პარიზში ვცხოვრობ. საფრანგეთში თავდაპირველად სამი თვით ჩამოვედი. ინსტიტუტის დამთავების შემდეგ ისევ დავბრუნდი იქ, სადაც ხუთი წელი გავატარე- L’Arche-ში. სირთულეები ბევრი იყო, მაგრამ მე მხოლოდ ის საუკეთესო ადამიანები და მეგობრები შევინარჩუნე, ვისი დახმარებითაც ეს სირთულეები დღეს აღარც მახსოვს.


ამჟამად უფროსი ნევროლოგი ვარ Hôpital Foch-ში. პარიზის საუკეთესო ნევროლოგიურ განყოფილებებში მუშაობამ დიდი გამოცდილება შემძინა ისეთ მიკრო სპეციალიზაციებში, როგორებიც არის : ნერვიული სისტემის დიზიმუნური დაავადებები, მათ შორის გაფანტული სკლეროზი, ვასკულარული ნევროლოგია, ნეიროგემეტიკა და ნეირო მეტაბოლური დაავადებები.


ნევროლოგია ჩემი მთავარი მოწოდებაა. მედიცინას ხომ ადამიანის და ბუნების საიდუმლოებით გამოულევ სამყაროში შეჰყავხარ. ამიტომ ვიცი, რომ მედიცინა ნევროლოგიის მეშვეობით არასოდეს მომწყინდება! მედიცინამ მასწავლა ორი რამ: დაიჯერე სხვისი გამოცდილების, მაგრამ არ დაჯერდე! თუ ეჭვი გაქვს, არ დანებდე! დარწმუნდი, რომ ყველაფერი გააკეთე პაციენტისთვის, რომ მასთან ერთად შეგიძლია დასძლიო დაავადებები. საჭიროა ყოველთვის წინსვლა, ახალის შეცნობა, წყაროს გადამოწმება - ანუ დინამიკა, წონასწორობის ძებნა შენს თავში და სამყაროში, რადგან სიცოცხლე ჰარმონიული მოძრაობა და წინსვლაა, რაც ჩერდება - კვდება...


არასოდეს დანებდეთ ცუდს, უიმედობას, წარუმატებლობას, სულიერ ტკივილს, ფიზიკურ სირთულეებს! გააღვივეთ თქვენში ნიჭი არა სხვისი გამოყენების, არამედ ადამინების დაფასების, მათთან ინტერესების გაზიარების. “იბრძოლეთ” თქვენი ნიჭის გამოვლენისთვის, რათა სიკეთე და სიხარული მოუტანოთ საკუთარ თავს და თქვენი პროფესიით მისცეთ იგივე სხვას!

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.