ბელარუსის ლიდერი, ალექსანდრე ლუკაშენკო, რომელიც რუსეთის პრეზიდენტის, ვლადიმერ პუტინის ახლო მოკავშირედ ითვლება, გუშინ თეირანში ირანის პრეზიდენტს, ებრაჰიმ რაისს შეხვდა. ბელარუსის სახელმწიფო მედიის ცნობით, მათ ხელი მოაწერეს “ქვეყნებს შორის ყოვლისმომცველი თანამშრომლობის 2023-2026 წლების გზამკვლევს“.

ბელარუსის პრეზიდენტის, ალექსანდრე ლუკაშენკოს ირანში ვიზიტი, გარკვეული თვალსაზრისით, ირანსა და რუსეთს შორის ურთიერთობის გაღრმავების გაფართოებაა, - ამის შესახებ აშშ-ის სახელმწიფო დეპარტამენტის პრესსპიკერმა, ნედ პრაისმა განაცხადა.

„ეს არის ის, რასაც ჩვენ ძალიან ყურადღებით ვაკვირდებით. ისინი ხშირად ისინი ერთად იყრიან თავს“, - აღნიშნა პრაისმა ბრიფინგზე.