,
ბიზნესმენი, ვანო ჩხარტიშვილი მედიით გამოჩნდა და წინასაარჩევნოდ ხელისუფლების ოპონენტების წინააღმდეგ პოლიტიკური განცხადებები გააკეთა.
ჩხარტიშვილმა ძირითადი დრო "ლელოს" დამფუძნებელს, მამუკა ხაზარაძეს დაუთმო და შუშის სასახლეში გამართული შეხვედრაც გაიხსენა. როგორც მოსალოდნელი იყო, ჩხარტიშვილმა სახელისუფლებო ნატარივი გაიმეორა და თქვა, რომ გენერალური პროკურორი ამ შეხვედრაზე შეცდომით იყო და მას იქ იყო ყოფნის დროს, საქმესთან დაკავშირებით არაფერი არ უთქვამს.
ჩხარტიშვილის რწმუნებით, წინა ხელისუფლების პერიოდში, პროკურატურამ TBC ბანკი ბევრ საქმეში "გამოიყენა".
გუშინდელი ეთერის დროს, ჩხარტიშვილმა მისი და ბადრი პატარკაციშვილის ოჯახს შორის არსებულ დავაზე ვრცლად საუბარი არ ისურვა.
როგორც ცნობილია, ლონდონის სასამართლოში ვანო ჩხარტიშვილის დავა პატარკაციშვილების ოჯახთან რამდენიმე საინტერესო ფრაგმენტს მოიცავდა. მათ შორის ყველაზე საინტერესო იყო თავად ჩხარტიშვილის 4 დღიანი ჯვარედინი დაკითხვა, რა დროსაც ჩხარტიშვილმა ურთიერთგამომრიცხავი ჩვენებაც კი მისცა.
სასამარლოს ჩანაწერებში, რომლის ნაწილიც “ვერსიამ” გაასაჯაროვა შეგვიძლია ვიპოვოთ შემდეგი ჩანაწერი - მოსამართლე ასკვნის, რომ ვანო ჩხარტიშვილის ჩვენება რეგულარულად იცვლებოდა და შინაგანად არათანმიმდევრული იყო.
ჩხარტიშვილის ოთხდღიანი ჩვენებიდან მოსამართლე პიტერ სმითმა დაასკვნა, რომ არ არსებობდა შეთანხმება, რომლითაც ჩხარტიშვილი ,,ბლუ ტროპიკის~ ბენეფიციარი მფლობელი უნდა ყოფილიყო. (http://mediamall.ge/new/9924-ratom-daibna-britanul-sasamartloshi-dakitkhvisas-vano-chkhartishvili-da-rogor-gashishvlda-kidev-ertkhel-qartuli-martlmsajuleba)
აქვე საინტერესოა ლონდონელი მოსამართლის კითხვა რომელიც მან ვანო ჩხარტიშვილს დაუსვა - პიტერ სმიტი: ,,ვანო, გარდაცვლილი მეგობრის ძარცვა ქართული ტრადიციაა?!“
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
