,
პენტაგონი ბრძოლის ველზე "უკრაინელების მთავარ საჭიროებას" ასახელებს - "ამერიკის ხმასთან" ინტერვიუში აშშ-ის თავდაცვის მდივანმა ლოიდ ოსტინმა განაცხადა, რომ ამჟამად უკრაინას ყველაზე მეტად სჭირდება საჰაერო თავდაცვა, შორი დისტანციური იარაღი და ჯავშანტექნიკა.
„ახლა უკრაინელების მთავარი საჭიროება საჰაერო თავდაცვაა, ეს არის კრიტიკულად მნიშვნელოვანია ბრძოლის ველზე, მათ ასევე სჭირდებათ შორი მოქმედების იარაღი და ჯავშანტექნიკა. და ჩვენ უზრუნველვყოფთ მათ ასეთი შესაძლებლობების მნიშვნელოვან პაკეტით. ჩვენ ასევე ვატრენინგებთ მათ და იარაღის მიწოდების გარანტიას ვაძლევთ“ ,- თქვა ოსტინმა.
ოსტინის თქმით, რუსეთის ძალებთან შედარებით უკრაინას ახლა “მნიშვნელოვანი უპირატესობა” გააჩნია, მიუხედავად იმისა, რომ ბოლო დროს ფრონტის ხაზი ორივე მხარეს იცვლებოდა და “ბახმუტის რაიონში ახლა საკმაოდ სერიოზული ბრძოლები” მიმდინარეობს.
“უკრაინელებმა რუსებს მნიშვნელოვანი დანაკარგები მიაყენეს, და მათ საკუთარი ჯავშანტექნიკის მარაგები ამოწურეს ისე, როგორც ამას არავინ არასდროს არ წარმოიდგენდა. და ახლა ვხედავთ, რომ რუსეთს საწყობებიდან T-54 და T-55 ტანკები მოაქვს იმ დანაკარგების დონის გამო, რომელიც უკრაინელებმა მიაყენეს”, - განაცხადა ოსტინმა.
მან აღნიშნა, რომ ამასთან დაკავშირებით რუსეთის რესურსები იცლება, მათ შორის საარტილერიო ჭურვების, რის გამოც იგი იძულებულია დახმარება ირანსა და ჩრდილოეთ კორეას სთხოვოს.
“ამიტომ ვფიქრობ, რომ გაზაფხულზე საბრძოლო ქმედებების გააქტიურებას დავინახავთ, ვინაიდან მანევრირებისთვის პირობები უმჯობესდება, და ასევე იმის საფუძველზე რაც უკვე გავაკეთეთ და რის კეთებასაც ვაგრძელებთ. ვფიქრობ, უკრაინას წარმატებისთვის ძალიან კარგი შანსები ექნება”, - განაცხადა ოსტინმა.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
