,
მისივე თქმით მთავრობასთან შეხვედრის შემდეგ, აღარ დარჩათ კითხვები - ხომ არ გადაიწევს ბაზრობების გახსნის თარიღი კიდევ.
,,ეს შეხვედრა იყო უდავოდ პოზიტიური. ვიხსნებით პირველი თებერვლიდან. არსებულ რეგულაციებს ერთადერთი ნორმა, პერიოდული ტესტირება დაემატა. ჩვენი თანამშრომლების 20/20 პროცენტი გაიტესტება ორ კვირაში ერთხელ. შერჩეული იქნებიან თანამშრომლები სხვადასხვა ადგილებიდან ისე, რომ სურათი დანახვა შევძლოთ. ეს ძალიან მნიშვნელოვანი იქნება, ეპიდ-სიტუაციის კონტროლის კუთხით. სხვა ყველა რეგულაცია რჩება, რომლითაც დახურვამდე ვმუშაობდით, ძალაში რჩება.
მუშაობის განახლების უფლება რომ არ მოგვეცემოდა 16-ი იანვრიდან, რამდენიმე დღის წინ გავიგეთ და დღეს შედგა პირველი საქმიანი კომუნიკაცია, რომელიც მომავალშიც გაგრძელდება“
„ამ ეტაპზე, კომუნიკაციის პრობლემა სამთავრობო უწყებებთან არ გვაქვს. ყოველთვის წინასწარ ვგრძნობთ, როგორ გადაწყდება ესა თუ ის საკითხი. ამის მიხვედრაში ჩვენი 30 წლიანი გამოცდილება და ბევრი, გადავლილი ქარტეხილი გვეხმარება. გუშინდელ შეხვედრაზე ცალსახად ითქვა, რომ 1-ლი თებერვლის მერე ეს თარიღი არ გადაიწევს. გავიხსნებით რეგულაციებით და ვამატებთ პერიოდულ ტესტირებას. ჩვენ ყველაფერს გავაკეთებთ, რომ პირველი თებერვლიდან ღირსეულად გავიხსნათ და გავაგრძელოთ ფუნქციონირება.
,,შეღავათები რაც გაკეთდა იყო ძალიან მნიშვნელოვანი და გათვალისწინებულ იქნა ჩვენი მოთხოვნები. აქ საუბარია დღგ-ს ნაწილში დაბეგვრის ბაზად მიჩნევას შემოსავლიდან. იცით, რომ ჩვენ ამ პერიოდში შემოსავლის პრობლემა გვაქვს და აქამდე რა წესიც მოქმედებდა იმით არ ჰქონდა მნიშვნელობა იბეგრებოდი თუ არა. ახლა ეს შეიცვალა და დაბეგვრა ხდება მიღებული შემოსავლიდან, რაც ამ გაჭირვების პერიოდში საკმაოდ მნიშვნელოვანია. ერთადერთი რასაც ჩვენ კიდევ ვითხოვთ, ქონების გადასახადის კიდევ ერთხელ 2021 წლის ბოლომდე გადავადებაა“-თქვა, კვარაცხელიამ ,,საქმეში“.
ამერიკის შეერთებული შტატები “მშვიდობის საბჭოს” პირველი ოფიციალური სამიტისთვის ემზადება. პრეზიდენტ ტრამპის მიერ შექმნილი ახალი საერთაშორისო ორგანიზაციის პირველ სხდომას ვაშინგტონში მდებარე, ტრამპისვე სახელობის მშვიდობის ინსტიტუტი უმასპინძლებს.
არსებული ინფორმაციით, მას წევრი ქვეყნების უდიდესი ნაწილი, 20-ზე მეტი სახელმწიფოს ლიდერი დაესწრება. მათ შორის იქნებიან საუდის არაბეთის, თურქეთის, ეგვიპტის, კატარისა და ინდონეზიის წარმომადგენლები. ასევე სომხეთისა და აზერბაიჯანის მმართველები.
როგორც ირკვევა, პირველ სამიტზე პრეზიდენტი დონალდ ტრამპი ღაზას რეკონსტრუქციისთვის ფონდის შექმნას დააანონსებს და გამოაცხადებს, თუ როგორ დაკომპლექტდება ის “საერთაშორისო სტაბილიზაციის სამხედრო ძალა”, რომელიც ღაზას სექტორის საზღვარზე განლაგდება და უზრუნველყოფს, რომ ისრაელსა და ჰამასს შორის სამხედრო მოქმედებები აღარ განახლდეს.
ჯერჯერობით, უცნობია, ზუსტად რა რაოდენობის სამშვიდობოებს გაგზავნიან სახელმწიფოები, თუმცა ცნობილია, რომ ინდონეზიის კონტრიბუცია ამ მხრივ 8,000 ჯარისკაცი იქნება. რაც შეეხება ფინანსებს, პრეზიდენტი ტრამპი მოელის, რომ ღაზას სექტორის ხელახლა აღდგენისთვის წევრი სახელმწიფოებისაგან მილიარდობით დოლარს მოიზიდავს. შეგახსენებთ, “მშვიდობის საბჭოს” წევრობის საწევროს გადასახადი ერთ ქვეყანაზე $1 მილიარდია, თუმცა განსაზღვრული არ არის, ეს თანხა უნდა ჩაირიცხოს ერთიანად, თუ სხვადასხვა პროექტების ფარგლებში, მთელი წლის განმავლობაში. შესაბამისად, სავარაუდოა, რომ შტატების ლიდერი კოლეგებს ფონდში პირველადი ფინანსური კონტრიბუციის შეტანას სწორედ $1-მილიარდიანი ვალდებულების ფარგლებში სთხოვს.
რაც შეეხება ჰამასს, რომლის განიარაღებისა და ძალაუფლების ჩამორთმევის გარეშეც “მშვიდობის საბჭო” ღაზას სექტორის რეკონსტრუქციასა და ახალი ადმინისტრაციის სრულფასოვან მმართველობას ვერ უზრუნველჰყოფს, არსებული ინფორმაციით, მის ტერორისტებს საშუალება ექნებათ, სამშვიდობო ძალებს საკუთარი ნებით ჩააბარონ იარაღი და როგორც პალესტინის მშვიდობიანმა მცხოვრებლებმა, ისე განაგრძონ ცხოვრება. მათთვის, ვისაც ასეთ რეალობაში დარჩენა არ ენდომება, “მშვიდობის საბჭო” პარტნიორი ქვეყნების მეშვეობით ღაზას სექტორიდან გასვლაში დაეხმარება. შეგახსენებთ, ამჟამად ჰამასის ხელმძღვანელობის პოზიციაა, რომ ახალ ღაზაში დარჩენა და ჯარისკაცების საპოლიციო ძალებში გაწევრიანება სურთ, რათა იმ ბრძოლამ, რაც წლების განმავლობაში სექტორის დაცვისთვის გასწიეს, უკვალოდ არ ჩაიაროს. თუმცა როგორც ტრამპის ადმინისტრაცია, ისე ისრაელი ამ ფორმით ჰამასის ღაზაში დარჩენას კატეგორიულად ეწინააღმდეგებიან. სავარაუდოა, რომ შუამავალი სახელმწიფოები, რომლებიც “მშვიდობის საბჭოშიც” არიან წარმოდგენილი, 19 თებერვალს ამ საკითხზე აქტიურად იმსჯელებენ.
