ლევილის ქართველთა მამულში შატოს სახურავის რეაბილიტაცია დასრულდა და აქტიურად მიმდინარეობს ფასადის რესტავრაცია
дата:
3463
ლევილის ქართველთა მამულში შატოს სახურავის რეაბილიტაცია დასრულდა და აქტიურად მიმდინარეობს ფასადის რესტავრაცია.
სამუშაოებს ახორციელებს კულტურული მემკვიდრეობის ძეგლების აღდგენის გამოცდილების მქონე ფრანგული კომპანია „დიუბოკი“.
შატოს ფასადი, ხის დარაბების ჩათვლით, ისტორიული ფერებით, მასალითა და მეთოდით აღდგება.
მოცემული სამუშაოები 2023 წლის მესამე კვარტალში დაიწყო, ორ ეტაპად ხორციელდება და მიმდინარე წლის აგვისტოში დასრულდება.
ლევილის მამულში ე.წ. ორანჟერეის შენობის ბოლო ნაწილი დასუფთავდა და მალე რეაბილიტაცია დაიწყება.
ასევე ლევილის მამულის ტერიტორიაზე ე.წ. ორანჟერეის შენობის ბოლო ნაწილის გაწმენდისა და ნარჩენების ნაგავსაყრელზე გატანის პროცესი დაიწყო.
შენობის ამ ნაწილში წლების მანძილზე ცხოვრობდა ლევილის სათვისტომოს წევრი მათე ბოლქვაძე. 1975 წელს მისი გარდაცვალების შემდეგ ლევილის მამულის მცხოვრებლები ამ სივრცეს გამოუსადეგარი ნივთების საწყობად იყენებდნენ.
