Wiv Global-ის პარტნიორის და წარმომადგენელის საქართველოში, ევროკავშირის ბლოკჩეინისა და ხელოვნური ინტელექტის პროგრამის მკვლევარის ლევან ბოძაშვილის განცხადებით ევროკავშირის ინოვაციების ჰორიზონის პროგრამის ფარგლებში წარმატებას მიაღწია პროექტმა, რომელიც ქართული ღვინის ტოკენიზაციას და მის გლობალურ ბაზარზე გავრცელებას შეუწყობს ხელს.

„ქართული ღვინის ინდუსტრიისთვის ახალი შესაძლებლობები იხსნება. ტექნოლოგიური კომპანია WIV Technologies გლობალურ კომპანია EY(ერნსტ&იანგ)-თან ერთად ქართული ღვინის გლობალურ ბლოკჩეინ პლატფორმაზე განთავსებას განახორციელებს. პროექტი, რომელსაც 2020 წლის ევროკავშირის ინოვაციების ჰორიზონის პროგრამის აღმატების ბეჭედი მიენიჭა, ითვალისწინებს ქართული ღვინის ტოკენიზაციას და მის გლობალურ ბაზარზე გაყიდვის უზრუნველყოფას გონიერი კონტრაქტების მეშვეობით.

  კომპანიის ბლოკჩეინ სისტემა საშუალებას იძლევა მოხდეს ქართული ღვინის გლობალურ დონეზე აუთენთიკაცია ზედმეტი ბიუროკრატიის გარეშე და მარკეტინგული დანახარჯების შემცირება, მათ შორის აზიურ ბაზრებზე.

კომპანიას აქვს ოფისების გლობალური ქსელი ნიუიორკიდან სინგაპურამდე. პროექტი ითვალისწინებს მაღალი ხარისხის ღვინის მწარმოებელთა კონსორციუმის დაფუძნებას, რომელში შემავალი ბრენდების მიერ წარმოებული ღვინის ტოკენიზაცია მოხდება. ეს ამ კომპანიებს მისცემს საშუალებას მოახდინონ დამატებითი ინვესტიციების მოზიდვა გლობალური მარკეტინგული გეგმების დასაფინანსებლად. კომპანიას აქვს $100 მილიონამდე საკრედიტო პაკეტი, რომელზე წვდომაც ქართულ კომპანიებს გაეხსნებათ 2020 წლის მარტიდან.

WIV Technologies უზრუნველყოფს ღვინის აუთენტურ ჩანაწერებს ბლოკჩეინზე, ტოკენიზაციას, თრეკინგს, სავაჭრო ლიკვიდურობასა და ბაზრებზე წვდომის უზრუნველყოფას საკუთარი გლობალური ქსელის მეშვეობით. სისტემაში უკვე ინტეგრირებულია 170-ზე მეტი მსოფლიო ღვინის ბრენდული კომპანია, მათ შორის ფრანგული Chateau Lafite, Cheval Blanc and Margaux და სხვები.“