მოსახლეობის თხოვნის საფუძველზე, კალანდაძის N15-ის მიმდებარედ, მოსასვენებელი სივრცე რეაბილიტირდა. სამუშაოების ფარგლებში, 500 კვ.მ.-ზე მოეწყო განათება, პატარა ღობეები, საბავშვო-გასართობი ატრაქციონი, ბილიკები, გარე განათების სისტემა, ასევე დაიდგა სკამები და ურნები. შესრულებული სამუშაოებისთვის კრწანისის რაიონის გამგეობამ 164 000 ლარი გამოყო.
დასრულებულ სამუშაოებს ადგილზე კრწანისის რაიონის გამგებელი ბექა მიქაუტაძე, საკრებულოში კრწანისის მაჟორიტარ დეპუტატ ლევან ჯაფარიძესთან და საქართველოს პარლამენტის წევრ დავით კაჭარავასთან ერთად გაეცნო და ადგილობრივ მოსახლეობას შეხვდა.
