ამჟამად, სრული რეაბილიტაცია უტარდება ზემო ფონიჭალაში, 28 ა კორპუსის მიმდებარედ არსებულ ტერიტორიას, სადაც ამ დრომდე რამდენიმე ატრაქციონი იდგა. პროექტის ფარგლებში, არსებული სივრცე გამწვანდება, მოეწყობა ბილიკები, განათების სისტემა, დაიდგმება სკამები და ურნები, ატრაქციონები.
1035 კვ.მ-ზე სამუშაოებს „ჯორჯია ბილდინგ გრუპი“ ასრულებს, რისთვისაც გამგეობის ბიუჯეტიდან, დაახლოებით, 200 000 ლარია გათვალისწინებული.
ამავე მისამართზე, მიმდინარე წელს „ბინათმესაკუთრეთა ამხანაგობის განვითარების ხელშეწყობის“ პროგრამის ფარგლებში, წყალარინების სისტემის სრული რეაბილიტაცია განხორციელდა, რის შემდეგაც ინფრასტრუქტურის სამსახურმა ეზოში ასფალტი დააგო და ბორდიურები შეცვალა. ამ სამუშაოებისთვის გამგეობის ბიუჯეტიდან, დაახლოებით, 220 000 ლარი გამოიყო.
