იტალია შოკში ჩააგდო კორონავირუსით მოტივირებულმა დანაშაულმა.

28 წლის სანიტარმა და სამედიცინო ფაკულტეტის სტუდენტმა, სიცილიელმა ანტონიო დე პაჩემ მოკლა თავისი მეგობარი გოგონა ლორენა კარტანა. გოგონაც მედიცინას სწავლობდა და მედდად მუშაობდა საავადმყოფოში, სადაც ახალი კორონავირუსით ინფიცირებულები გადიოდნენ მკურნალობის კურსს. ბრალდებულმა, რომელსაც ეჭვი გაუჩნდა, რომ შესაძლოა იგი პარტნიორისგან ყოფილიყო დაინფიცირებული, დაახრჩო გოგონა. მკვლელობის შემდეგ ვენების გადაჭრის გზით მან თვითმკვლელობაც სცადა.

დაკითხვისას მან აღიარა დანაშაული და დაასახელა მკვლელობის მოტივი.

სენატის ფემიციდის კომიტეტის თავმჯდომარემ-ვალერია ვალენტიმ განაცხადა, რომ ფემიციდის ეს შემთხვევა არის ოჯახური ძალადობის მორიგი ფაქტი, რომელშიც მკვლელი კორონავირუსით გამოწვეულმა კრიზისმა ჩაითრია.

P. S. სამართალდამცველებმა როგორც ბრალდებულს, ასევე გარდაცვლილ მსხვერპლს ჩაუტარეს ტესტირება ახალ კორონავირუსზე და ორივეს პასუხი აღმოჩნდა უარყოფითი.

წყარო: parismatch.com