გერმანული კომპანია BioNTech-ის თანადამფუძნებელმა, რომელმაც კომპანია Pfizer-თან ერთად კორონავირუსის საწინააღმდეგო ვაქცინა შექმნა, განაცხადა, რომ კორონავირუსის პანდემია უფრო მართვადი გახდება.

კითხვაზე, როდის დასრულდება პანდემია, კომპანია BioNTech-ის თანადამფუძნებელმა, ოზლემ ტურეჩიმ უპასუხა: "ეს რთული კითხვაა, რადგან ჩვენ ყოველდღიურად ვსწავლობთ რაღაც ახალს ვირუსის შესახებ, იმის შესახებ, თუ როგორ რეაგირებს ის ვაქცინაზე. ჩვენ გვჭირდება ეს ცოდნა, რათა ვიმსჯელოთ, თუ როდის დასრულდება პანდემია. მაგრამ რაც უკვე დანამდვილებით შეგვიძლია ვთქვათ არის ის, რომ თანდათან ახალი ნორმალურობა მკვიდრდება. ამას უკვე ვგრძნობთ. ჩვენ ვსწავლობთ, როგორ გავუმკლავდეთ ვირუსს. ბევრი ჩვენგანი უკვე ვაქცინირებულია და თავისუფლების ახალი ხარისხს იძენს. იქნება ნორმალურობა, სადაც ჩვენ შეგვიძლია უფრო თავისუფლად ვიმოქმედოთ, რადგან მოსახლეობის დიდ ნაწილს იმუნიტეტი აქვს".

ოზლემ ტურეჩის თქმით, მსოფლიოს ვირუსთან გამკლავება კიდევ რამდენიმე წლის განმავლობაში მოუწევს.

„მომავალი გვიჩვენებს, გამოჩნდება თუ არა სხვა ვარიანტები, რომლებიც იმუნურია ამჟამინდელი ვაქცინების მიმართ და საჭიროა თუ არა მათი კორექტირება. დროთა განმავლობაში, ვირუსი გრიპის ვირუსის სტატუსს შეიძენს, რისთვისაც მოსახლეობის ზოგიერთი ჯგუფი ყოველწლიურად ან ორ წელიწადში ერთხელ აცრას ატარებს. კორონავირუსი უფრო მართვადი ვირუსი გახდება“, - განაცხადა მან.

თავის მხრივ, კომპანია BioNTech-ის კიდევ ერთმა თანადამფუძნებელმა, უგურ საჰინმა აღნიშნა, რომ თუ მომდევნო რამდენიმე წლის განმავლობაში გამოჩნდება ვარიანტი და ვაქცინა მასზე ადაპტირებული უნდა იყოს, კომპანია ამის გაკეთებას