მუხიკა 2015 წლიდან, მას შემდეგ რაც პრეზიდენტის თანამდებობა დატოვა, სენატორი იყო, თუმცა 14 აგვისტოს სენატორობაზეც უარი თქვა. მიუხედავად იმისა, რომ მას შეუძლია, ყოველთვიურად აიღოს სენატორის პენსია, ამბობს, რომ ამას არ აპირებს. 

მუხიკა ამბობს, რომ „ხანგრძლივი მოგზაურობით“ დაიღალა, სენატორობის ვადა 2020 წლამდე ჰქონდა, თუმცა იქამდე დატოვა თანამდებობა და განმარტავს, რომ ამ პენსიას არ იმსახურებს. 

ის 1935 წლის 20 მა­ისს მონ­ტე­ვი­დე­ო­ში და­ი­ბა­და. 2005 წელს მუ­ხი­კამ სე­ნატ­ში თა­ვის კო­ლე­გა­სა და სა­ხალ­ხო მო­ნა­წი­ლე­ო­ბის ის­ტო­რი­ულ ლი­დერ ლუსი ტო­პო­ლანსკი­ზე იქორ­წი­ნა. 2005-დან 2008 წლამ­დე მუ­ხი­კა ურუგ­ვა­ის სა­სა­ქონ­ლე მე­ურ­ნე­ო­ბის, მი­წათ­მოქ­მე­დე­ბი­სა და მე­თევ­ზე­ო­ბის მი­ნის­ტრი იყო, შემ­დეგ - სე­ნა­ტო­რი. ხოსე მუხიკამ 2009 წლის 29 ნოემბერს დაამარცხა თავისი მუდმივი კონკურენტი და 2010-2015 წლებში ურუგვაის პრეზიდენტი იყო.

2010 წელს პრე­ზი­დენ­ტის ქო­ნე­ბა წარ­მო­ად­გენ­და 1987 წელს გა­მოშ­ვე­ბულ 1800 დო­ლა­რად შეფასებულ „ფოლკს­ვა­ვენ“ გოლფს.

ამ წელს მუ­ხი­კამ დეკ­ლა­რა­ცი­ა­ში მე­უღ­ლის ქო­ნე­ბის ნა­ხე­ვა­რი შე­ი­ტა­ნა - ეს არის მიწა, რამ­დე­ნი­მე ტრაქ­ტო­რი და სახ­ლი. შე­დე­გად მისი ქო­ნე­ბა 215 ათა­სი დო­ლა­რით გა­ი­ზარ­და.

მუხიკას უწოდებენ „მსოფლიოს ყველაზე ღარიბ პრეზიდენტს“. ის საკუთარი ხელფასის 90%-ს, 12 000 აშშ დოლარის ექვივალენტს ყოველთვიურად რიცხავდა საქველმოქმედო მიზნებისათვის და იტოვებდა მხოლოდ მინიმალურ თანხას ყოველდღიური საჭიროებისათვის. მან უარი თქვა პრეზიდენტის რეზიდენციაზე და ცხოვრობდა მეუღლის კუთვნილ პატარა ფერმაში. ის დღემდე ფერმაში ცხოვრობს და მიწას თავად ამუშავებს.