ფედერაციის საბჭოს საერთაშორისო საქმეთა კომიტეტის ხელმძღვანელმა გრიგორი კარასინმა კომენტარი გააკეთა საქართველოს პრემიერ-მინისტრის სიტყვებზე, რომ 2030 წლისთვის საქართველო ევროკავშირის სრულუფლებიანი წევრი უნდა გახდეს და ქართველი ხალხი თავის აფხაზ და ოს ძმებთან ერთად იცხოვრებს ერთი ქვეყანშია. რუსმა პოლიტიკოსმა ირაკლი კობახიძის სიტყვებს „ბოროტისგან მსჯელობა“ უწოდა.

კარასინმა აღნიშნა, რომ საქართველოს პრემიერისთვის ახლა მთავარია მიაღწიოს „აგენტების შესახებ“ კანონის მიღებას.

„ვერავინ აუკრძალავს სპეკულაციას, თუ როგორ იცხოვრებს საქართველო 2030 წელს. მათ სურთ აფხაზეთთან და სამხრეთ ოსეთთან ერთ სახელმწიფოში ცხოვრება, ან შესაძლოა სხვა სახელმწიფოებთან - ეს მხოლოდ სპეკულაციაა. ახლა საქართველოს პრემიერ-მინისტრისთვის მთავარია, რომ კანონით მონიშნოს ის ადამიანები, რომლებიც უცხო სახელმწიფოების დაკვეთით არიან პოლიტიკასა და საინფორმაციო საქმიანობაში“, - მიიჩნევს სენატორი.

„ჩვენ აქედან უნდა ვიმოქმედოთ. დანარჩენი ბოროტისგან მსჯელობაა“, - დასძინა კარასინმა.

მან აღნიშნა, რომ პოლიტიკოსებს აქვთ მსჯელობის უფლება და პრემიერ კობახიძესაც აქვს ასეთი უფლება.

„ამ საკმაოდ რთულ ვითარებაში ავღნიშნავ, რომ მას უწევს ბრძოლა სალომე ზურაბიშვილთან, რომელიც აშკარად, გასაგები მიზეზების გამო, იკავებს დასავლური უმცირესობის და, უფრო კონკრეტულად, ევროკავშირის და სხვათა პოზიციას, რათა დაამარცხონ საქართველოს დღევანდელი ხელისუფლება“, - განაცხადა ფედერაციის საბჭოს საერთაშორისო კომიტეტის ხელმძღვანელმა.

აღსანიშნავია, რომ საქართველოს დამოუკიდებლობის დღისადმი მიძღვნილ გალა ღონისძიებაზე გამოსვლისას პრემიერ-მინისტრმა ირაკლი კობახიძემ განაცხადა, რომ „აღთქმული მიწა“ ანუ ქართული ოცნება არის ერთიანი, ძლიერი საქართველო აფხაზ და ოს ძმებთან და დებთან ერთად.

წყარო: https://www.ekhokavkaza.com/