კახეთში ხორბლის აღება დასასრულს უახლოვდება. სასაწყობე მეურნეობებში მარცვლეულის ჩაბარებისა და აღების პროცესს შირაქის ველზე სოფლის მეურნეობის მინისტრის მოადგილე, კახეთის გუბერნატორთან და ადგილობრივი ხელისუფლების წარმომადგენლებთან ერთად დაესწრო.

თენგიზ ნასარიძის შეფასებით, რეგიონში ალოობა ტექნიკური პრობლემებისა და შეფერხებების გარეშე წარმატებით მიმდინარეობს.

დედოფლისწყაროსა და სიღნაღის მუნიციპალიტეტში ფერმერების დიდმა ნაწილმა მოსავალი უკვე დააბინავა. 1 კგ მარცვლეულის ფასი 45- დან 60 თეთრამდე მერყეობს.

უამინდობის გამო გასულ წელთან შედარებით მეხორბლეები დაბალ მოსავლიანობაზე საუბრობენ. ამბობენ, რომ ტექნიკა საკმარისია და რეალიზაციის პრობლემა ამ ეტაპზე არ აქვთ.