,
თბილისის საკრებულოს ისნის რაიონის მაჟორიტარი დეპუტატი კახა ლაბუჩიძე დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორს, ზურაბ უტიაშვილს შეხვდა.
შეხვედრის ფარგლებში, კახა ლაბუჩიძემ და ზურაბ უტიაშვილმა იძულებით გადაადგილებულ პირებთან დაკავშირებულ საკითხებზე იმსჯელეს და ისნის რაიონის სამაჟორიტაროში შესული კორესპონდენციები განიხილეს.
ამასთან, შეხვედრაზე თბილისში, ალექსანდრე თვალჭრელიძის ქუჩაზე მიმდინარე მასშტაბურ მშენებლობაზეც ისაუბრეს, რომელიც საქართველოს პრემიერ-მინისტრის ინიციატივით, დევნილი ოჯახების განსახლების მიზნით ხორციელდება.
ზურაბ უტიაშვილმა მაჟორიტარ დეპუტატს სააგენტოში არსებული პროექტების შესახებ დეტალური ინფორმაცია მიაწოდა. როგორც შეხვედრაზე აღინიშნა, საცხოვრებელ კომპლექსში, რომლის მშენებლობაც 2025 წლის ბოლომდე დასრულდება, 2400 დევნილი ოჯახი თანამედროვე სტანდარტების შესაბამის ბინებს მიიღებს.
კახა ლაბუჩიძემ და ზურაბ უტიაშვილმა შეხვედრაზე ურთიერთთანამშრომლობის სამომავლო გეგმებზეც ისაუბრეს.
აშშ-ის პრეზიდენტი დონალდ ტრამპი ირანთან დაკავშირებით აშშ-ის მოსახლეობას მიმართავს, - ინფორმაციას თეთრი სახლის პრესსპიკერი, კეროლაინ ლევიტი ავრცელებს.
„ხვალ საღამოს 9 საათზე (თბილისის დროით ხუთშაბათი, 5:00 საათი), პრეზიდენტი ტრამპი ერს მიმართავს, რათა მათ მნიშვნელოვანი სიახლე გააცნოს“, - წერს ლევიტი X-ზე.
მანამდე, აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა, რომ ირანის წინააღმდეგ ომი, ძალიან მალე დასრულდება.
„ძალიან მალე დავტოვებთ. ვიტყოდი, რომ შესაძლოა ორ კვირაში. ორ კვირაში, შესაძლოა სამ კვირაში. რეჟიმის შეცვლა მოგვიწია. რეჟიმის შეცვლა არ იყო ერთ-ერთი იმ მიზნებს შორის, რაც მე მქონდა. მე მქონდა ერთი მიზანი: მათ არ ჰქონოდათ ბირთვული იარაღი და ეს მიზანი მიღწეულია. მათ არ ექნებათ ბირთვული იარაღი. მაგრამ ვასრულებთ სამუშაოს და ვფიქრობ, შესაძლოა ორ კვირაში, შესაძლოა კიდევ რამდენიმე დღეში, შევასრულოთ ეს სამუშაო. მაგრამ გვინდა, რომ გავანადგუროთ ყველაფერი, რაც მათ აქვთ“, - განაცხადა ტრამპმა.
